Popular Bible Verses from دوّمین نامه قرنتیانِ وَسین 5

Share

پَس اَگِه کَسی مَسیح دِلهِ دَبو، تازه زندگی دارِه. کهنه چیزان دِ تَمام هَبا؛ اَسِه، هَمِه چی تازِه هَبا!

خدا اونیکه گُناهِ نِشناخته با رِه اَمی وَسین گُناه هَکُرده، تا اَما اونه دِلِه خُدایِ صالِحِی هَبیم.

چون ایمان هَمرَه زندگی کانیم، نه اونچه یه هَمرَه که دینیم.

تمام ایشان هَمِه خُدایِ جییه که مسیحِ طَریقِ جی اَمَرِه خودشه هَمرَه آشتی هَدَه و آشتی یه خِدمَتِ اَمَرِه بِسپارِسِّه. یعنی، خُدا مَسیح دِلِه دُنیا رِه خودشه هَمرَه آشتی هَدَه و مَردُمانِ گناهان رِه اوشانه حِساب نُزاشته، و آشتی یه پِیغامِ اَمَرِه بِسپارِسِّه.

پَس اَما مسیحِ سفیرِان هیسیم، خدا خودِشِه خواسِّه رِه اَمی طَریقِ جی انجام دَنِه. اَما مسیحِ طَرَفِ جی شِیمی جی خواهِش کانیم که خُدایِ هَمرَه آشتی هَکُنید.

و همه یه خاطِری بَمِردِه تا زندهِ آدَمان دِ نه خودِشانِ وَسین، بلکِه اونه وَسین زندگی هَکُنَن که اوشانه خاطِری بَمِردِه و زندهِ هَبا. پس، اَما دِ مین بَعد هیچکسِ طبقِ جسم نِشناسِنیم. هر چَن پیشتَر مَسیحِ طبقِ جسم اِشناسِنِبِیم، اَسه دِ اینجور نیِه.

چون مَسیح مُحبت اَمَرِه کنترل کانه، چون بِفَهمِسّیم: که یِنَفَر هَمه یه وَسین بَمِردِه. پس همه بَمِردِن.