Popular Bible Verses from مکاشِفۀ یوحنا 9

Share

باقیِ آیَمَل، که بِی ای سه بَلا کُشتَه نَوابی‌یِن، نَه وَ کارَلِ دَسِ خِشون توبَه کِردِن وِ نَه دَس وَگِرُتِن وَ پرستشِ دیوَل وِ بُتَلِ طِلا وِ نقره‌ وِ بِرنج وِ سنگ وِ چُو، که نیتَرِن بِوینِن وِ بِشنِفِن وِ رَه بِرَن. اونگَل وَ آدَمکِشی‌یَل وِ جادوگری‌یَل وِ بی‌عفَتی‌یَل وِ دِزی‌یَلِ خِشون هَم توبَه نَکِردِن.

اوسِه وَ مِنِه دی، کِلویَلی اومَن ری زمین وُ وَشون قدرتی مِی قدرتِ عقرَبَلِ زمین دایَه وابی. وَشون گُتَه وابی که نَه وَ علفِ زمین، نَه وَ هیچ سُوزَه‌ای، نَه وَ هیچ داری ضَرر نَزَنِن، بَلکَم تِنا وَ او کَسَلی ضرر بِزَنِن که مُهرِ خدا نَه وَ پیشونی نَیارِن.

وِ فرشتۀ پنجم شیپورِشَه وَ صیا دَرآورد، وِ مِ ستاره‌ای نَه دییُم که وَ آسَمون اُفتا زمین، وِ کِلیلِ چاهِ هاویَه که تَه نَیارِه وَش دایَه وابی.

وِ اونگَل اجازَه نَیاشتِن کسی نَه بِکِشِن، بَلکَم اونگَلَه سی پنج ماه عذاب بییِن، وِ عذابِشون مِی عذابِ عقرب بی، اوسِه که کسی نَه ایزَنِه.

فرشتۀ چاهِ هاویَه پادِشاشونِه، که وَ زُوونِ عبرانی‌ نومِش "اَبَدون" یعنی نابودگَرِه، وُ وَ زُوونِ یونانی "آپولیون".