Popular Bible Verses from نامۀ یعقوب 4

Share

پَ تسلیم خدا بِیت. وَرِ اِبلیس وِیسیت، که وَتون ایدَرَه.

وَ خدا نِزِنگ وابِیت، که خدا هَم وَ ایشا نِزِنگ ایابو. ای گِناکارَل، دَسَلِ خِتونَه وَ گِنا بِشوریت، وِ ای دو وَشَکَل، دِلِ خِتونَه پاک کِنیت.

مِنِه حضورِ خدا کوچِک‌نظم وابِیت وُ وِّ ایشا نَه سَرفَراز ایکِنِه.

امّا فیضی که خدا ایبَخشِه، یِکِلی بیشتَرِه. سی هَمیو نوشتۀ مقدس مِنِه امثالِ سِلِیمون ایگُ: «خدا وَرِ آیَمَلِ غُد ایوِیسِه، امّا وَ کوچِک‌نظمَل فیض اییِه.»

پَ، هرکه بِیونِه چه کاری دِرِسِه وُ وِه نَه نَکِنِه، گِنا کِردِه.

ایشا وَ خدا دَرخواس ایکِنیت، امّا نیجوریت، سی‌یِکِه وِه نَه بِی نیتِ گَند دَرخواس ایکِنیت تا خَرجِ عیاشی‌یَلِتون کِنیت.

ای زناکارَل، مَه نُونیت دوسی بِی دنیا دشمنی بِی خدا یَه؟ پَ هرکه وَ دینِ دوسی بِی دنیا یَه، خِشَه دشمن خدا ایکِنِه.

وا ای حال ایشا حتی نُونیت صَبا چه ایابو. زِندِیی ایشا چِنِه؟ مِی کِرِمِنجی‌یِیت که ظاهر ایابو وِ بعد یِچِی وَ بِین ایرَه.