Popular Bible Verses from نامۀ یعقوب 3

Share

امّا او حکمتی که وَ آسمونِه، اَوَل پاکِه، اوسِه صلح‌طَلَب وِ آروم وِ حرف گوش کُن، وِ لوریز وَ رحمت وِ ثمره‌یَلِ خوب، وِ بی هیچ فَرخ‌جویی وِ ریا یَه!

کی مِلِی ایشا حکیم وِ دونایَه؟ بِلیت بِی کارَلِ خوبِ خُوش، بِی کوچِک‌نظمی که وَ حکمت سرچشمَه ایگِرِه نِشون بییِه.

صالح بییَن، مَصولی یَه که مِنِه صلح و صفا، وُ وَ دَسِ صلح‌طَلَبَل کاشتَه ایابو.

سی‌یِکِه هر جا حَسودی وِ غِدی بو، وُچِه خَلَقی وِ هَرکی‌هَرکی یَه وِ هر طور کارِ گَند هَم هِسی.

بِی زُوونِ خِمون خداوند وِ بُو آسمونی نَه مبارک ایخونیم وِ بِی هَمو زُوون آیَمَلی نَه که وَ شباهتِ خدا آفرییَه وابی‌یِنِه، لعنت ایکِنیم. وَ یِه دِهون، هم ستایش ایا وَدَر، هَم نُرفین! ای کَکایَلُم، نَه خوبِه ایطو بو.

زُوون تَشی یَه؛ دنیایی یَه پُر وَ شرارَت. زُوون عضوی وَ اَعضِی بَیَنِمونِه که تمومِ وجودِ آیَمَه آلودَه ایکِنِه وِ تمومِ دنیا نَه ایکَشِه وَ تَش - تَشی که جَنَم بِرِش کِردِه!

امّا هیچ آیَمی نیتَرِه زُوونَه رام کِنِه. زُوون شرارتی یَه نافِرمون وِ پُر وَ زهرِ کُشندَه!

کَکایَلُم، نَکِنِه یِکِلی وَ ایشانَل وَ دینِ معلّم وابی‌یَن بون، سی‌یِکِه دونیت که وَ ایما مُعَلِمَل، سخت‌تَر داوری ایابو.