Popular Bible Verses from نامَه وَ کِلیسِی اَفِسُس 4

Share

بِی یَک مِرَبون بِیت، دِلسوزِ یَک بِیت وِ هَموطو که خدا ایشا نَه مِنِه مسیح بَخشییِه، ایشا هَم یَکَه بُویَخشیت.

بِی کوچِک‌نظمیِ تَموم و مِرَبونی؛ بِی صبر، مِنِه محبت یَکَه تحمل کِنیت.

دِهونِتون وَ هیچ گَپِ گَندی واز وانَبو، بَلکَم گَپَلِتون وَ خوبی سی بَنا کِردَن بَقیَه بو تا اِتیاجی نَه بَرطرف کِنِه وُ وَ کَسَلی که ایشنِفِن فیض بِرَسونِه.

هَر طور تَلی وِ تندی وِ خِشم وِ قارِقیر وِ بُهتون وِ هَر طور بَدخوایی نَه وَ خِتون دیر کِنیت.

«خِشم بِگِریت، امّا گِنا مَکِنیت» نَلیت تَشِ خِشمِتون بِکَشِه وَ تَنگِ‌پَسین، وِ مِجال نَئیت وَ اِبلیس.

تا روشِ زِندِیی قَدیمی خِتون، یعنی او انسانِ کهنَه نَه که وَ خاطرِ هوی وُ هَوَسِ گِنا فاسد بی، وَ وَرِتون دَراریت. وِ مِنِه روح فکرِ ایشا نو وابو، وِ انسانِ تازَه نَه کِنیت وَرِتون، وِه که مِنِه صالحی وِ قدوسیَتِ حقیقی، مِی خدا آفَرییَه وابی‌یِه.

تلاش کِنیت تا او یکی بییَنِ روحِ خدا نَه مِنِه صلح‌وُسلامت نِگَه کِنیت.

وُ وِّ بَخشی رسولَل، نَبی‌یَل، مبشرَل، چِپونَل وِ معلمَل، تا ایموندارَلَه سی کارِ خِذمت آمایَه کِنِن، سی تقویتِ بَیَنِ مسیح، تا اوسِه که هَمۀ ایما ایمونمون یکی بو وِ شناختِ همۀ ایما وَ کِرِ خدا یکی بو، تا وَ ای ترتیب ایما وَ قَدِ انسانِ کامل رشت کِنیم، وِ ایطو وَ قَدِ پُریِ قامتِ مسیح بِرَسیم.

تا دَ مِی بَچه‌یَل نَبِیم، تا موجَل وِرِمون بییِن وَ هَرلَتی وِ بایِ تَعلیمَلِ جورواجور ایما نَه بِکَشِن وَ هَرلَتی، وِ گولِ کَلَک وِ حیلۀ آیَمَلی نَه نَخَریم که ایخوان ایما نَه وَ رَه وِل کِنِن. بَلکَم بِی گُتَنِ حقیقت مِنِه محبت، وَ هَر بابت تا وَ حَدِّ وُّ که سَرِه، یعنی مسیح، رشت ایکِنیم.