Popular Bible Verses from نامَه عِبرانِنیا 11

Share

اَلَه ایمون، اطمینان اُ چِی‌یَی‌یه که اُ آنایا امید مُهَه و خاطر جمع بُدَ از چِی‌یَی که دِدَ نابِت. اَسِی که اُ وسیلَه ایمون هاد که از مردم زَمون تیتَه تعریف بو.

خشنود کِردَهِ خدا بدون ایمون محالِه، اَسِی که هرکَه اُ خدا نَزیک اَدَبِه، باید ایمون اُشبِه که آنا هَه و اُ آنایاکِه شُزدُم هِت، پاداش اَدَ.

اُ وسیلَه ایمونِه که اَما اَفَهمِم دنیا وَ کلوم خدا خَلک بو، اوناکِه چِی که دِدَ اَبِه از چِی‌یَی که دِدَ اَبِه نَک نِبو.

اُ وسیلَه ایمون هاد که ابراهیم پیغامبر موکَه‌ای که دعوت بو تا اُ جَی اُچِه که کَرار هاد بعدتَه‌یّا اُ ارث بِبَه؛ اطاعت اُشکِه. آنا با اِکِه اُشنادانِست کُ اَچِه، اُ رَه اُفتَه. اُ وسیلَه ایمون هاد که آنا چو تا تِی سرزمین وعدَه، تِی غربت، زندگی بِکو؛ و خاد اِسحاک و یعکوب که خاد آنا وارث مِ وعدَه‌وا هادِت، تِی چادریا زندگی اُشکِه.

اُ وسیلَه ایمون هاد که نوح وَختی دربارَهِ چِی‌یَی که هَنو دِدَ نِبُستاد از طرف خدا اُ آنا هشدار دَدَ بو، وَ تِرس و حرمت اَسِی نجات اهل خونَش یَک کَشتِنی نَک اُشکِه. با اِ، آنا دنیائا محکوم اُشکِه و وارث مِ صالح بُدَئی بو که از رَه ایمون اُ دست اَدا.

اُ وسیلَه ایمون هاد که خَنوخ بَرا بُردَ بو تا مرگا نِبِنِه و آنا آدی نِمَ، اَسِی که خدا آنا اُشبُردِستاد. اَلَه کَبل از بَرا بُردَش، دربارَه‌اش شهادت دَدَ بو که خدائا خشنود اُشکِردِ.

اُ وسیلَه ایمون هاد که هابیل کُربونِنی که شُ خدا تَکدیم کِه مورد کَبولتَه از کُربونِنِ قائِن هاد، که اُ واسطَهِ هَمِ ایمونا، دربارَهِ هابیل شهادت دَدَ بو که صالحِه، خدا خاد کَبول کِردَهِ هَدیَه‌ئِی آنا تعریف شُز کِه. اُ واسطَهِ ایمونُشِه که، با اِکِه مُردِه، ولی هَنو حرف اَزاد.

اُ وسیلَه ایمون هاد که سارا خوش با اِکِه سن و سالُش از حاملَه بُدَش گذشتِستاد، کُدرت حاملَه بُدَ پیدا اُشکِه، اَسِی که اُ آناکِه وعدَه اُشدَدِستاد، وفادار اُشدانِست.

اَسِی که ابراهیم چَش انتظار شهری هاد که پایَه و اساس اُشَه، که معمار و بَنّاش خدائِه.

اُ وسیلَه ایمون هاد که موسی موکَه‌ای که گات بو، اُشنائِست که پُسِ دُتِ فرعون اُشبِگائِت. و اِئا انتخاب اُشکِه تا اُمرَهِ کوم خدا، شُمرَه بَد رفتاری بِبِه، وَ جَی اِکِه از خَشِنِی زودگُذَر گناه لَذت بِبَه. آنا سَرکوفتی که وَخاطر مسیح هاد، گنجی گاتتَه از گنجِی مصر اُشدانِست، اَسِی که چَشُش اُ مِ پاداشا هاد. اُ وسیلَه ایمون هاد که موسی از مصر دَر اُمَ و از تَریخِنِ پادشاه نِتِرسی، اَسِی که آنا چُنِ کسی که خدای نادیدَنِنا همیشَه جلووِ چَشیاش اَبِنِه، تحمل اُشکِه.

اُ وسیلَه ایمون هاد که ابراهیم موکَه‌ای که امتحان بو، اِسحاکا وَ عنوان کُربونی تَکدیم اُشکِه؛ ابراهیم که وعدَه‌یَه‌وا اُشگِرِتِستاد حاضر بو اُ تنها پُسُش کُربونی بِکو،

اُ وسیلَه ایمون هاد که راحابِ بَدکارَه اُمرَهِ آنایاکِه نافَرمو هادِت هلاک نِبو، اَسِی که راحاب اُ جاسوسیا وَ لوی خَش جا اُشدَدِستاد.

اُ وسیلَه ایمون هاد که کوم اسرائیل از مارَکَهِ دریای سرخ چُنِ زِمِنی هُشک رَد بُدِت؛ ولی وَختی مصرِنیا سعی شُکِه مِ کَرا اَنجوم هاتِت، تِی هُو خَفَه بُدِت.

اُ وسیلَه ایمون هاد که دُوارِی شهر اَریحا بعد از اِکِه کوم اسرائیل هفت راز دور آنا گِشتِت، چَلِئِست.

اُ وسیلَه ایمون هاد که موسی پِسَخ و پاشِدَهِ خونا شُ جا اَئو تا مِ فرشتَه‌وا که بَچِی اوّلا نابود شَکِه، اُ پُسِی اوّل کوم اسرائیل دست نِزاد.

اُ وسیلَه ایمون هاد که یوسف آخر عمرُش، از دَر اُندَهِ کوم اسرائیل از مصر، حرف اُشزاد و فَرمونِی دربارَهِ استخونیاش اُشدَ.

اُ وسیلَه ایمون هاد که یعکوب موکَه‌ای که اَمُرد، اُ هر یَک از پُسِی یوسف برکت اُشدَ و هَموناکِه اُ عصاش تَکیَه اُشدَدِستاد، اُ خدا تعظیم اُشکِه و پرستشُش اُشکِه.

اُ وسیلَه ایمون هاد که اِسحاک، شُ یعکوب و عیسو دربارَهِ چِی‌یَی آیندَه برکت دَ.