Popular Bible Verses from نامَه عِبرانِنیا 12

Share

پَ، از مِکاکِه اَما اینا اَبر گاتی از شاهدیا دُورمو اُشگِرِتِه، بِلگی هر بار و هر گناهیا که اینا سخت اُ دست و پامو اَنُخِه از خومو دور بِکنِم و بِلگی وَ پایداری و تحمل تِی مسابکَه‌ای که مُن جلو نَدَ بُدِ، اُخیز کِنِم. بِلگی چَشمو اُ عیسی بِه که بانی و کامل کنندَه ایمون اَمائِه، مِ عیسایی که وَخاطر مِ خارمِنی که جلووِ لوش نَدَ بُدِستاد، صلیبا تحمل اُشکِه و نانگ آنا کوچک شاکِه و اَلَه اُ دست راست تخت خدا اُدائی.

اَسِی که هر طور تربیتی، موکَه‌ای که اَنجوم اَبِه، وَ جَی اِکِه آدام شُ خَش بیاد، درد شَکو. ولی بعد اَسِی کسِی که خاد آنا تربیت بُستِت، صالح بُدَئا اُبار دارِ که پُر از صلح و سلامتیه.

تَکَلّا بِکنی تا خاد هَمَه تِی صلح و سلامتی بی و مکدّس بی، اَسِی که بدون کدّوسیت هِسکَه خداوندا نابِنِه.

اُ آنا فکر بِکنی که اینا دشمنِنی که از طرف گُنَهکاریا وَ ضد خوش هاد، تحمل اُشکِه، تا شما خستَه یا دلسرد آنِبی.

پَ بِلگی وَخاطر اُ دست اَئوردَهِ پادشاهِنی که اُشناشابِه بِلَرزِه شکرگزار بِم، و اینایی پرستشی کابِل کَبول اُ خدا تَکدیم بِکنِم، خاد حرمت و تِرس.

اَسِی تربیت بُدَئِه که شما باید تحمل بِکنی؛ خدا خاد شما چُنِ پُسیا رفتار اَکو. اَسِی که چه پُسیه که باشو تربیت اُشنِکو؟

اَسِی که «خدای اَما تَشیه که اَسُخِنِه و آ لاگ اَکو.»

اَسِی که بابَیّامو یَک زَمون کامی اوناکِه خوشو صلاح شُدی، تربیت شُکِردِم، ولی خدا اَسِی خیریت خومو تربیتمو اَکو تا تِی کدّوسیت آنا شریک بِم.

تِی مبارزَه‌تو وَ ضد گناه، هَنو تا حَدِ مرگ مقاومت تُنِکِردِ.