Popular Bible Verses from نامَه عِبرانِنیا 10

Share

و از جمع آبُدَ خاد یَکُدو غافل نِبِم، هَموناکِه مُشتی آمُختَه بُستِت، بلکه یَکُدوئا تشویک بِکنِم مخصوصا اَلَه که شاهد نَزیک آبُدَئِه مِ رازا، یعنی راز آگِشتَئِه خداوند عیسی هی.

بِلگی تِی فکر اِ بِم که چینایی یَکُدوئا اُ محبت کِردَ و اَنجوم دَدَهِ کَرِی خَش تحریک بِکنِم.

بِلگی تَ بدون هیچ شکی، امیدیا که اُ آنا اعتراف اَکنِم مُحکام نِگَه بِکنِم، اَسِی که آناکِه وعدَه اُشدَ، وفادارِه.

اَسِی که شما احتیاج تُهَه که پایداری و تحمل بِکنی تا اینایی، مِ موکَوا که خواستَه خدائا اَنجوم تُدَ، مِ چِی که وعدَه دَدَ بُدِ اُ دست بیاری.

بِلگی وَ کَلب صادک و اطمینان کامل ایمون اُ حضور خدا نَزیک آبِم، هَمیناکِه دلیامو از وجدان بَد پاک آبُدِ و بَدَنیامو وَ هاوِ پاک شُشتَ بُدِ.

پَ اطمینان خاطرتو از دست مَتی، که پاداش گاتی اُشَه.

اَسِی که اَگَه بعد از رَسِدَ اُ شناخت حکیکت، عمداً اُ گناه کِردَ ادامَه هاتِم، دِگَه کُربونِنی اَسِی گناهیا آنامانِه؛ مِ چِی که اَدَمانِه، انتظار وحشتناک محاکمَه و هَلَمَک تَشِه، که دشمنِی خدائا اَسُخِنِه و آ لاگ اَکو.