Popular Bible Verses from نامَه اوّل تیموتائوس 1

Share

اَبِه اُ اِ حرفا اطمینان بِکنِش و حَکُشِه که کامل کَبول بِبِه، که مسیحْ عیسی اُ اِ دُنیَه‌وا اُمَ تا اُ گُنَهکاریا نجات هادَ، که بینشو ما از هَمَه گَپتَه هام.

ولی وَخاطر هَمِ اُ ما رحم بو، تا عیسی مسیح، صبر ناتَمومُش اُ ما، که گَپتَه از هَمَهِ گُنَهکاریا هادام نِشو هادَ، تَ نَمونَه‌ای بام اَسِی کسِی که بعدتَه اُ آنا ایمون اَدارِت و اُ زندگِنِ اَبَدی اَرَسِت.

هدف فَرمُنِ اَما، محبتِه، محبتی که از یَک دل پاک و یَک وجدان خَش و از یَک ایمون خالص اَدا.

اُ مِ پادشاه دوران، اُ آناکِه غیرفانیه، و نابِه بِبِنِش، اُ مِ خدای یَکتا، تا اَبَدالآباد حرمت و جلال بِه؛ آمین!

و اِئا هم اَدانِم که شریعت اَسِی آدامِی عادل نی، بلکه اَسِی آدامِی بَدکار و نافَرموئِه، اَسِی بی‌دینیا و گُنَهکاریائِه، اَسِی آنایایی که مکدّس نِهِت و اَسِی آنایایی که کُفر اَگائِت، اَسِی کسِی که اُ با و نَنَشو اَکشِت و اَسِی کاتِلیا، اَسِی بی‌عفتیا و مَردِی که اُمرَییَه اَخَتِت، اَسِی آدامِی که خرید و فروش بَردَه اَکنِت، و اَسِی آدامِی دروغگو و کسِی که کَسام دارُو اَدَخرِت، و هَمینا هم اَسِی هر چِیدو که وَ ضد تعلیم وَلمِه،