Popular Bible Verses from نُومَه وِ کلیسای روم 3

Share

سی یَکِه گِرد، گُنَه کِردِنَه وَ دِ جِلالِ خدا کَم میارَن، وَ وا پیشکَشی فیضِ خدا، وِ واسطَه خی‌باها آزادی کِه دِ مسیح عیسی اَ، صالح وِ حِسُو میان،

ایی صالح‌بی‌یِه کِه دِ خدا اَ دِ رَه ایمُو وِ عیسی مسیح اَ وَ نِصیوِ گِردِ وِنُونی موئَه کِه ایمُو میارَن. دِ ایی مورد هیچ فرقی نی

کِه خدا عیسی مسیحِ نِه دِ نِهاتِر هِه چی کفارَه گُنَه‌یا توسطِ خینِش قِرار دَه، تا دِ رَه ایمُو وِ دَس بیا. یَه سی نِشُو دِئِه‌نِ عدالتِ خدا بی، سی یَکِه او وا صُورِ خدائی خُوش دِ گُنَه‌یائی کِه دِ زی اَنجُوم بی‌یی چَش‌پوشی کِردی. یَه سی یَه بی تا صالح‌بی‌یِه‌نِ خُوشِه دِ ایی زِمُو نِشُو بِئَه، تا او خُوش عادل با وَ کَسی نِه هَم کِه وِ عیسی ایمُو دارَه، صالح وِ حِسُو بیارَه.

سی یَکِه هیچ بشری وا وِجا اُوِردِه‌نِ کاریا شریعت، دِ تِه خدا صالح وِ حِسُو نِمیا، سی یَکِه شریعت، گُنَه نِه وِ اِیما نِشُو مِی‌ئَه.

هِه چِنُو کِه دِ کِتُو مقدس نیسَنَه بی‌یَه: «هیشکَه صالح نی، حتی یِه نفر، هیشکَه فهمیدَه نی، هیشکَه دِ فِتِراقِ خدا نی. گِرد دِ خدا ری وِرگَردَنِنَه، وَ گِردِشُو وا یَک باطل بینَه. هیشکَه خوئی نِمی‌کَه حتی یِه نفر،

سی یَکه اِیما باوَر داریم کِه آیِم بی‌یَکِه کاریا شریعتِ نِه بَکَه، توسطِ ایمُونَه کِه صالح وِ حِسُو میا.

هرگز! حتی اَر گِردِ آیِم‌یا دِروزِه بان، خدا راسگو اَ! هِه چِنُو کِه دِ مزمورِ داوود نیسَنَه بی‌یَه: «زوتا، هِه کِه قِصَه می‌کی، حَق ها وا تو، وَ هِه کِه داوَری می‌کی، غالُو موئی.»