Popular Bible Verses from نُومَه وِ کلیسای روم 2

Share

تو اِ آیِمی کِه باقی نِه داوَری می‌کی وَ خُوت هِه او کاریا نِه می‌کی، گِمُو می‌کی کِه دِ داوَری خدا دَر مِی‌ری؟ یا یَکِه، مِرَبُونی وَ طاقت وَ صُورِ زیادِ خدا نِه وِ حِسُو نِمیاری وَ غافلی کِه مِرَبُونی خدا دِ یِنَه‌آ کِه تو نِه بیارَه وِ توبَه؟

پس تو اِ آیِمی کِه یَکی هَنی نِه داوَری می‌کی، هَر کَه کِه بوئی هیچ عُذر وَ بُنِه‌ای ناری. سی یَکِه وا داوَری دِ بارَه یَکی هَنی خُوتِه محکوم می‌کی، سی یَکِه تو، اِ داوَر، خُوت هِه او کاریا نِه می‌کی.

سی یَکِه خدا دوچَشکی نِمی‌کَه.

سی یَکِه وِنُو کِه شریعتِ نِه مِی‌شنُوئَن، وِ تِه خدا صالح نیسِن، بَلکِم وِنُونی کِه شریعتِ نِه وِجا میارَن صالح وِ حِسُو میان.

«خدا وِ هَر کَه وِ قَدِ کاریائی کِه می‌کَه، سِزا مِی‌ئَه.»

اما سی وِنُو کِه غورت اَن وَ حقیقتِ نِه اطاعت نِمی‌کَن، بلکِم ناراسی نِه اطاعت می‌کَن، غیظ وَ غَضُو هی.

اما تو وِ سُنَه سَرسختی وَ دِلِ نا‌توبَه کارِت، غَضُوِ خدا نِه سی خُوت سی روزِ غَضُو اَمار می‌کی، روزی کِه دِ وَه داوَری عادلُونَه خدا دیاری موئَه.