Popular Bible Verses from انجیلِ مَرقُس 16

Share

اوسِه وِشُو گُت: «وِ سَرتاسَرِ دنیا رِیت وَ ایی خَوَرِ خُوشِه انجیلِ نِه وِ گِردِ مردِمِ دنیا اِعلُوم بَکیت.

وَ ایی نِشُونَه‌یا واردِ ایمُوداریا هی: وِ نُومِ مِه دیویا نِه می‌کَن وِ دَر وَ وِ زِوُونیا جدید قِصَه می‌کَن وَ وا دَس‌یاشُو ماریا نِه مِئی‌رَن، وَ اَر ژَرِ هِلاهِلی وِراشِنَن، بِلائی نِمِئیرَه‌شُو، وَ دَس‌یاشُو نِه وِ مَریض‌یا می‌نِیئَن وَ وِنُو شفا مِئی‌رَن.»

هَر کَه ایمُو بیارَه وَ تعمید بِئیرَه، نجات پیا می‌کَه. اما هَر کَه ایمُو نیارَه، محکوم موئَه.

وِنُو رَتِن وِ دَر، دِ همَه جا موعظَه می‌کِردِن، وَ خداوند وِ کاریاشُو برکت مِی‌دَه وَ کلُومِشِه وا نِشُونَه‌یائی کِه واردِشُو بی، تائید می‌کِرد.

جِوُونِکَه وِشُو گُت: «زَلَه‌تُو نَرُوئَه. شِما مِنی عیسی ناصری می‌کیت کِه کَشیئِنِش وِ صلیب. او زِنَه بی‌یَه؛ ویچِه نی. جائی کِه جِنازَه‌شِه نِئایینی، سِیل بَکیت.

اما هِه کِه سِیل کِردِن، دیئِن او هُوگِلَه کِه خیلی هَم گَپ بی، دِ جِلو مقبِرَه پِلِسی وِ لائی. هِه کِه رَتِن مینِ مقبِرَه، جِوُونی نِه دیئِن کِه نِشِسی وِ لا راسِ مقبِرَه وَ رَدا اِسبیئی دِ وَر داشت. دِ دیئِه‌نِش زَرتِلاق بییِن.