Popular Bible Verses from انجیلِ مَرقُس 14

Share

عیسی چِنی گُت: «اَبا، بُوَه، همَه چی سیتُو ممکن اَ. ایی پیالَه نِه دِ مِه دیر کُو، اما نَه وِ حاسِ مِه بَلکم وِ اِرادَه تو.»

بیار بایت وَ دعا بَکیت تا دِ اِمتحُو نِفتیت. روح شُوق دارَه اما جسم ضعیف اَ.»

وِ راسی وِتُو مُوئِم، دِ گِردِ دنیا، هَر جا ایی خَوَرِ خُوشِ پاتشائی خدا اِعلُوم با، کارِ ایی زَ هَم وِ یایِ او وازگو موئَه.»

«دِ زورِ غُصَه، ها می‌میرِم. بَمُونیت ویچِه وَ بیار بایت.»

هَنی سرگرمِ حَردِه بییِن کِه عیسی نُو نِه گِرِت وَ دِما شکرکِردِه، کُت کُت کِرد وَ دَه وِ شاگردیا وَ گُت: «بِئیریت، یِنَه‌آ بدنِ مِه.»

اوسِه پیالَه نِه وِرداشت وَ دِما شکرکِردِه، وِشُو دَه وَ همَه دِش وِراشَنِن. وَ وِشُو گُت: «یِنَه‌آ خینِ مِه سی عَهدِ جدید کِه وِ سُنَه خیلی‌یا می‌ریزیَه.

عیسی وِشُو گُت: «گِردِ شِما دِ رَه وِل موئیت سی یَکه نیسَنَه بی‌یَه، «‌”چوپُو نِه مِی‌زِنِم وَ کُوَه‌یا دِ یَک تَرفِه‌تین موئَن.“

وِریسیت وا راس، رِیمُو. هِیسِه وَه کِه مِه نِه مُونَه دِ گیر، دِ رَه مِی‌رَسَه.»

عیسی وِش گُت: «وِ راسی وِت مُوئِم کِه هِه اِیمشُو، وِرَز یَکِه کِلَه‌شیر دو گِل بُنگ وِرآرَه، سِه گِل مِه نِه حاشا می‌کی!»