Popular Bible Verses from انجیلِ مَرقُس 13

Share

همَه وِ سُنَه نُومِ مِه دِ شِما بَی مُورَن؛ اما هَر کَه تا وِ آخِر تاو بیارَه، نجات پیا می‌کَه.

پس وِ هوش بایت، بیار بایت، سی یَکه نُئُونیت او زِمُو کِی مِی‌رَسَه.

هِه کِه شِما نِه گرفتار بَکَن وَ بُورَنِتُو وِ مَحکِمَه، دِ نِهاتِر دِلدِهول نوئیت کِه چی بُوئیت، بلکِم هَر چیئی کِه دِ او ساعت وِ شِما گُتَه موئَه، وَه نِه بُوئیت؛ سی یَکه وَه کِه مُوئَه شِما نیسیت، بَلکم روح‌القدس اَ.

آسمُو وَ زِمی دِ بین مِی‌رَه، اما قِصَه‌یا مِه دِ بین نِمِی‌رَه.

«اما دِ او روز وَ او ساعت هیشکَه خَوَر نارَه غیرِ بُوَه آسمُونی؛ حتی نَه فرشتَه‌یا آسمُو وَ نَه کُر هَم.

هِه کِه دِبارَه جنگ‌یا می‌شنُوئیت وَ خَوَرِ جنگ‌یا وِ گوشِتُو مِی‌رَسَه، دِ رآو نَرُوئیت. یَه بایِس اتفاق بِفتَه، اما هَنی آخِرِ کار نَرَسِسَه.

پس شِما هَم بیار بایت، سی یَکه نُئُونیت صِحُو حُونَه کِی می‌آیَه، شُو یا نِصمِه‌شُو، موقَع بُنگِ کِلَه‌شیر یا دِ لیسکِ اَفتُو. نَکَه کِه او یِگِلی بیایَه وَ شِما نِه دِ خُو بِئینَه. او چیئی کِه وِتُو مُوئِم، وِ همَه مُوئِم: بیار بَمُونیت!»

ملتی وِ تیشکِ ملتی هَنی وَ مملکتی وِ تیشکِ مملکتی هَنی وِرمِی‌سَن. دِ جایا جورواجور زِمی لَرزَه‌یا می‌آیَه، وَ قَطی‌یا موئَه. اما یِنُو تَنیا هِه چی شروع ژُ اَ.

اول بایِس ایی خَوَرِ خُوشِ پاتشائی خدا وِ گِردِ ملت‌یا اِعلُوم با.

خیلی‌یا وِ نُومِ مِه میان، مُوئَن ”مِه هِه وِنَه‌آم“ وَ خیلی‌یا نِه دِ رَه وِ دَر می‌کَن.

«وَ اما شِما حَواسِتُو وِ خُوتُو با، سی یَکِه وِ سُنَه مِه شِما نِه مِی‌ئَن وِ مَحکِمَه‌یا وَ دِ کنیسَه‌یا می‌وَنَنِتُو وِ فِلَک، دِ بِرُووَرِ والی‌یا وَ پاتشایا مِسیت تا دِ وَرِ وِنُو شاهادَتی بِئیت.

سی یَکه کَسُونی وِ اسمِ مسیحِ موعود وَ پِیغَمَریا دِروکِنی وِرمِی‌سَن، نِشُونَه‌یا وَ معجزَه‌یا می‌کَن تا اَر بوئَه، بَرگُزیَه‌یا نِه دِ رَه دِرارَن.

«اما دِ او روزیا، دِما او چَمَر، «‌”اَفتُو تاریک موئَه وَ ماه دَ نیر نِمِی‌ئَه. آسارَه‌یا دِ آسمُو مِی‌فتَن وِ هار وَ قدرت‌یا آسمُو میان وِ رِکِسِه.“