Popular Bible Verses from Romans 10

Share

သင်တို့က အရှင်ယေရှုသည် အရှင်သခင်ဖြစ်တော်မူကြောင်းကို နှုတ်ဖြင့်ဝန်ခံ၍ ဘုရားရှင်သည် ထိုအရှင်အား သေခြင်းမှ အသက်ပြန်ရှင်စေတော်မူကြောင်းကို စိတ်နှလုံးထဲ၌ ယုံကြည်ကြလျှင် ဘုရားရှင်သည် သင်တို့ကို ကယ်တင်တော်မူလိမ့်မည်။။

အဘယ်ကြောင့်ဆိုသော် ကျွန်ုပ်တို့သည် ယုံကြည်ခြင်းအားဖြင့် ဘုရားရှင်နှင့် မှန်ကန်စွာ ဆက်သွယ်ခွင့်ရ၍ နှုတ်ဖြင့်ဝန်ခံခြင်းအားဖြင့် ကယ်တင်ခြင်းကိုခံရသောကြောင့်ဖြစ်၏။

သို့ဖြစ်၍ နှုတ်ကပတ်တရားတော်ကို ကြားနာခြင်းကြောင့် ယုံကြည်ကြ၏။ ခရစ်တော်အကြောင်း ဟောပြောခြင်းကြောင့် နှုတ်ကပတ်တရားတော်ကို ကြားနာကြရ၏။

ကျမ်းစာတော်က "မည်သူမဆို ကိုယ်တော်အား ယုံကြည်လျှင် စိတ်ပျက်ရလိမ့်မည် မဟုတ်" ဟု ဆိုထားလေသည်။ အစ္စရေးလူမျိုး၊ လူမျိုးခြားဟူ၍ ခွဲခြားခြင်း မရှိတော့သဖြင့် လူတိုင်းပါဝင်ကြရ၏။ ဘုရားရှင်သည် လူတိုင်း၏ အရှင်သခင်ဖြစ်တော်မူ၍ ကိုယ်တော်အား ဆုတောင်းသမျှသော လူတို့အား ကြွယ်ဝစွာ ကောင်းချီးပေးတော်မူ၏။ ကျမ်းစာတော်က "ထာဝရဘုရားအား ဆုတောင်းသူဟူသမျှတို့သည် ကယ်တင်ခြင်းကို ခံရလိမ့်မည်" ဟု ဖော်ပြသည့်အတိုင်းပင်ဖြစ်၏။

ဟောပြောကြေညာသူများအား စေလွှတ်ခြင်းမရှိလျှင် မည်ကဲ့သို့ နှုတ်ကပတ်တရားတော်အား ဟောပြောကြေညာနိုင်မည်နည်း။ ကျမ်းစာတော်တွင် ဖော်ပြပါရှိသည့်အတိုင်း "သတင်းကောင်းအား ယူဆောင်လာသူတို့၏ ခြေတို့သည် လွန်စွာတင့်တယ်လှပေ၏"

သို့ရာတွင် ထိုသူတို့သည် ကိုယ်တော်အား ယုံကြည်မှုမရှိကြလျှင် ကိုယ်တော်ထံသို့ မည်ကဲ့သို့ ဆုတောင်းနိုင် ကြမည်နည်း။ နှုတ်ကပတ်တရားတော်အား ကြားနာနိုင်ခြင်းမရှိလျှင် မည်ကဲ့သို့ ယုံကြည်နိုင်ကြမည်နည်း။ နှုတ်ကပတ်တရားတို့ကို ဟောပြောကြေညာမည့်သူမရှိလျှင် မည်ကဲ့သို့ကြားနိုင်ကြမည်နည်း။

ခရစ်တော်သည် ပညတ်တရားအား အဆုံးသတ်စေတော်မူပြီဖြစ်ရာ ယုံကြည်သူအပေါင်းတို့သည် ဘုရားရှင်နှင့် မှန်ကန်စွာဆက်သွယ်မှုကို ရရှိကြပြီဖြစ်၏။