Popular Bible Verses from Romans 11

Share

ကိုယ်တော်သည် ခပ်သိမ်းသောအရာတို့ကို ဖန်ဆင်းတော်မူ၏။ ခပ်သိမ်းသောအရာတို့သည် ကိုယ်တော်အားဖြင့်လည်းကောင်း၊ ကိုယ်တော်၏အတွက်လည်းကောင်း တည်လျက်ရှိကြ၏။ ကိုယ်တော်သည် ထာဝစဉ် ဘုန်းအသရေ ထွန်းတောက်တော်မူပါစေသတည်း။ သူတို့သည် ခဲနှင့်ပေါက်ခြင်း၊ လွှနှင့်တိုက်ဖြတ်ခြင်း၊ ဓားနှင့်ခုတ်သတ်ခြင်းတို့ကို ခံကြရ၏။ သူတို့သည် ဆင်းရဲနွမ်းပါးလျက် အနှိပ်အစက်ကိုခံ၍ မတရားအနိုင် အထက်ပြုခြင်းကိုခံရကာ သိုးသားရေနှင့် ဆိတ်သားရေတို့ကိုဝတ်၍ သွားလာကြရ၏။ အာမင်။

ဘုရားရှင်၏ ကြွယ်ဝသော ဉာဏ်ပညာတော်နှင့် အသိပညာတော်သည် လွန်စွာနက်နဲပေ၏။ စီရင်ဆုံးဖြတ်တော်မူချက်များကို မည်သူသည် ရှင်းပြနိုင်ပါသနည်း။ နည်းလမ်းတော်များကို မည်သူသည် နားလည်နိုင်ပါသနည်း။

ကျမ်းစာတော်က၊ မည်သူသည် ထာဝရဘုရားရှင် မည်သို့စဉ်းစားဆင်ခြင်တော်မူသည်ကို သိသနည်း။ မည်သူသည် ကိုယ်တော်အား အကြံဉာဏ်ပေးနိုင်ပါသနည်း။"

ယခုကာလ၌လည်း ဤနည်းအတိုင်းပင်ဖြစ်၏။ ဘုရားရှင်၏ ကျေးဇူးတော်ကြောင့် ရွေးကောက်ခြင်းခံရသူ လူအနည်းငယ်သာ ကျန်ရှိပါ၏။ ကိုယ်တော်သည် ထိုသူတို့အား ကျေးဇူးတော်ကိုအခြေခံ၍ ရွေးကောက်တော်မူ၏။ သူတို့၏ အကျင့်ကို အခြေခံ၍ ရွေးကောက်တော်မူသည် မဟုတ်ပေ။ အကယ်၍ ဘုရားရှင်၏ ရွေးကောက်တော်မူခြင်းသည် လူ့အကျင့်ကို အခြေခံလျှင် ကိုယ်တော်၏ ကျေးဇူးတော်သည် အစစ်အမှန် မဟုတ်ပေ။

လူတို့သည် သံလွင်ပင်၏အကိုင်းအချို့ကို ခုတ်ဖြတ်လိုက်ပြီးနောက် ကျန်ရှိသည့်ငုတ်တွင် အရိုင်းမျိုးဖြစ်သော သံလွင်ကိုင်းကို ကိုင်းဆက်၍ စိုက်တတ်ကြ၏။ ထိုအရိုင်းမျိုးဖြစ်သော သံလွင်ကိုင်းသည် သံလွင်ပင်၏ ပင်စည်နှင့်အမြစ်မှ အာဟာရကို မှီဝဲရသကဲ့သို့ လူမျိုးခြားဖြစ်သောသင်တို့သည်လည်း အစ္စရေးလူမျိုးများထံမှ အကျိုးကျေးဇူးများစွာ ခံယူရရှိကြ၏။ သို့ဖြစ်၍ သင်တို့သည် ခုတ်ဖြတ်လိုက်သည့် အကိုင်းများနှင့်တူသော လူတို့ကို အထင်မသေးကြနှင့်။ သင်တို့သည် မည်ကဲ့သို့ ကြွားဝါနိုင်ကြမည်နည်း။ သင်တို့သည် အကိုင်းအခက်မျှသာဖြစ်၍ အမြစ်အား ထောက်မထားသည် မဟုတ်ပေ။ အမြစ်သည်သာလျှင် သင်တို့အား ထောက်မထားခြင်းဖြစ်သည်။