Popular Bible Verses from Psalms 91

Share

“ငါခိုလှုံရာ၊ ငါ၏ရဲတိုက်၊ ငါယုံကြည်ကိုးစားသော ငါ၏ဘုရားရှင်” ဟု ဘုရားရှင်နှင့်ပတ်သက်၍ ငါဆို၏။

အမြင့်ဆုံးသော အရှင်၏ကွယ်ကာရာအရပ်၌ နေသောသူသည် အနန္တတန်ခိုးရှင်၏ အရိပ်ကို ခိုရလိမ့်မည်။

သူသည် ငါ့ကို ခေါ်သောအခါ သူ့ကိုငါထူးမည်။ ဆင်းရဲဒုက္ခရောက်သောအခါ သူနှင့်အတူငါရှိမည်။ ငါသည် သူ့ကိုကယ်မ၍ သူ့ကိုဂုဏ်ပြုမည်။

အကြောင်းမူကား သင်၏လမ်းခရီးရှိသမျှတို့၌ သင့်တို့စောင့်ရှောက်စေရန် အရှင်သည် မိမိ၏နတ်ဒေဝါတို့ကို သင့်အဖို့မိန့်မှာတော်မူမည်ဖြစ်၍

အရှင်သည် မိမိ၏အတောင်တောအမွေးဖြင့် သင့်ကိုအုပ်မိုးတော်မူလိမ့်မည်။ သင်သည်လည်း အရှင်၏အတောင်တော်အောက်၌ ခိုလှုံရလိမ့်မည်။ အရှင်၏သစ္စာတော်သည် ဒိုင်းကာနှင့် ဒိုင်းလွှားဖြစ်၏။

“ဘုရားရှင်သည် ငါ၏ခိုလှုံရာဖြစ်တော်မူ​၏” ဟု သင်သည်ဆိုလျက် အမြင့်ဆုံးသောအရှင်ကို သင်၏မှီခိုရာဖြစ်သောကြောင့် ဘေးအန္တရာယ်သည် သင့်အပေါ်သို့ကျရောက်မည်မဟုတ်။ ဘေးဒဏသည်လည်း သင်၏တဲအနီးသို့ ချဉ်းကပ်မည်မဟုတ်။

အမှန်စင်စစ် အရှင်သည် ငှက်မုဆိုး၏ကျော့ကွင်းမှလည်းကောင်း၊ သေစေတတ်သော ကပ်ရောဂါဘေးမှလည်းကောင်း သင့်ကိုကယ်နုတ်တော်မူလိမ့်မည်။

သင်၏အနီးတွင် လူတစ်ထောင်၊ သင်၏လက်ယာဘက်တွင် လူတစ်သောင်းလဲကျသော်လည်းထိုဘေးတို့သည် သင့်ထံသို့ ရောက်လာမည်မဟုတ်။

သင်သည် ညအချိန်၌ဖြစ်တတ်သော ကြောက်မက်ဖွယ်ဘေးကိုလည်းကောင်း၊ နေ့အချိန်၌ လွင့်ပျံသောမြားကိုလည်းကောင်း၊ မှောင်ကြီးမည်းကြီးထဲ၌လှည့်လည်တတ်သော ကပ်ရောဂါကိုလည်းကောင်း၊ မွန်းတည့်ချိန်၌ ဖျက်ဆီးတတ်သော ဘေးဥပဒ်ကိုလည်းကောင်း ကြောက်ရွံ့ရလိမ့်မည်မဟုတ်။