Popular Bible Verses from မဿဲ 17

Share

ကိုယ်တော်က သူတို့အား “သင်တို့၏ယုံကြည်မှုသည် အလွန်နည်းပါးသောကြောင့်ဖြစ်၏။ သင်တို့အား ငါဆိုသည်ကား သင်တို့တွင် မုန်ညင်းစေ့ပမာဏမျှလောက် ယုံကြည်မှုရှိလျှင်ပင် သင်တို့သည် ဤတောင်ကို ‘ဤနေရာမှ ထိုနေရာသို့ရွေ့ပါ’ ဟုပြောလျှင် ထိုတောင်သည်ရွေ့သွားမည်ပင်ဖြစ်၏။ သင်တို့အဖို့ မဖြစ်နိုင်သောအရာ တစ်ခုမျှရှိမည်မဟုတ်။

ပေတရုထိုသို့လျှောက်ထားစဉ်တွင် ရုတ်တရက် အလွန်တောက်ပသောမိုးတိမ်သည် သူတို့ကိုဖုံးလွှမ်း၍ “ဤသူသည် ငါ၏ချစ်သားဖြစ်၏။ ငါသည် သူ့ကိုနှစ်သက်၏။ သူ၏စကားကိုနားထောင်ကြလော့” ဟူ၍ ဘုရားရှင်၏အသံတော်သည်လည်း မိုးတိမ်အတွင်းမှထွက်ပေါ်လာလေသည်။

ထိုအခါ ကိုယ်တော်ယေရှုသည် “ယုံကြည်မှုမရှိဘဲ စာရိတ္တပျက်ပြားနေသောမျိုးဆက်၊ ငါသည် သင်တို့နှင့်အတူ မည်မျှကြာကြာရှိနေနိုင်မည်နည်း။ သင်တို့ကို မည်မျှလောက်ကြာအောင် သည်းခံနေရဦးမည်နည်း။ လူငယ်အား ငါ့ထံသို့ ခေါ်ခဲ့ကြလော့” ဟုမိန့်တော်မူလေသည်။ ထို့နောက် ကိုယ်တော်သည် မကောင်းဆိုးဝါးအား နှင်ထုတ်လေရာ မကောင်းဆိုးဝါးသည် ထိုလူငယ်ထံမှ ထွက်သွားပြီးနောက် လူငယ်သည်လည်း ချက်ချင်းပင် ကျန်းမာသွားလေတော့သည်။