Popular Bible Verses from ယောဟန် 11

Share

ကိုယ်တော်သည် “ငါသည် ပြန်လည်ရှင်သန်ခြင်းဖြစ်၏။ အသက်လည်းဖြစ်၏။ ငါ့အား ယုံကြည်သောသူသည် သေလွန်သော်လည်း အသက်ရှင်လိမ့်မည်။ အသက်ရှင်နေလျက် ငါ့အားယုံကြည်သောသူတိုင်းသည် ဘယ်သောအခါမျှ သေဆုံးရမည်မဟုတ်။ ဤသည်ကို သင်ယုံကြည်ပါသလော” ဟု မိန့်တော်မူ၏။

ကိုယ်တော်ယေရှုကလည်း သူမအား “သင်ယုံကြည်လျှင် ဘုရားရှင်၏ဘုန်းတန်ခိုးတော်ကို မြင်ရလိမ့်မည်ဟု သင့်အား ငါဆိုခဲ့ပြီမဟုတ်လော” ဟု မိန့်တော်မူ၏။

ကိုယ်တော်သည် မျက်ရည်ကျတော်မူ၏။

ကိုယ်တော်သည် ဤသတင်းကိုကြားရလျှင် “ယခုနာမကျန်းဖြစ်ခြင်းသည် သေခြင်းသို့ရောက်စေရန်အတွက်မဟုတ်ဘဲ ဘုရားရှင်၏ဘုန်းတန်ခိုးတော်ကို ထင်ရှားစေရန်ဖြစ်၏။ ထိုအခြင်းအရာအားဖြင့် ဘုရားရှင်၏သားတော်သည်လည်း ဘုန်းတော်ထင်ရှားခြင်းရှိပေလိမ့်မည်” ဟု မိန့်တော်မူ၏။

ထိုသို့ဆုတောင်းတော်မူပြီးနောက် ကျယ်လောင်သောအသံဖြင့် “လာဇရု၊ ထွက်လာလော့” ဟုဟစ်ခေါ်တော်မူ၏။ ထိုအခါ သေလွန်သောသူသည် ခြေနှင့်လက်တို့ကို အဝတ်ဖြင့် ပတ်စည်းလျက် မျက်နှာကိုလည်း အဝတ်ဖြင့် စည်းထားသည့်အတိုင်းပင် သင်္ဂျိုင်းဂူထဲမှ ထွက်လာလေ၏။ ကိုယ်တော်ယေရှုသည် လူတို့အား “သူ့ကိုဖြေပေး၍ သွားခွင့်ပေးကြလော့” ဟု မိန့်တော်မူ၏။

ထို့နောက် ကိုယ်တော်သည် တစ်ဖန် စိတ်ထိခိုက်တော်မူ၍ သင်္ချိုင်းဂူသို့ သွားတော်မူ၏။ ထိုနေရာသည် လိုဏ်ဂူဖြစ်ပြီး အဝင်ဝကို ကျောက်တုံးဖြင့်ပိတ်ထားလေ၏။

ကိုယ်တော်သည် ထိုသို့မိန့်တော်မူပြီးနောက် တပည့်တော်တို့အား “ငါတို့၏မိတ်ဆွေလာဇရုသည် အိပ်ပျော်လေပြီ။ သို့သော် သူ့ကို နှိုးစေရန် ငါသွားမည်” ဟု မိန့်တော်မူ၏။