Popular Bible Verses from 2 Corinthians 5

Share

မည်သူမဆို ယေရှုခရစ်တော်နှင့် တပေါင်းတစည်းတည်းဖြစ်လျှင် အသစ်ဖန်ဆင်းခံရသူဖြစ်သည်။ ထိုသူ၏ ဘဝဟောင်းသည် ပြီးဆုံးသွားပြီဖြစ်ပြီး ဘဝသစ်အစပြုခြင်းဖြစ်သည်။

ယေရှုခရစ်တော်သည်အပြစ်ကင်းစင်တော်မူသောအရှင်ဖြစ်သည်။ သို့ရာတွင်အကျွန်ုပ်တို့သည် ယေရှုခရစ် တော်နှင့်တစ်လုံးတစ်ဝတည်းဖြစ်လျက်ဘုရားရှင်ကဲ့သို့ကောင်းမြတ်နိုင်ကြစေရန် ဘုရားရှင်သည် ယေရှုခရစ်တော်အား အကျွန်ုပ်တို့အတွက်ကြောင့် အကျွန်ုပ်တို့ကဲ့သို့အပြစ်ရှိသူဖြစ်စေတော်မူသည်။

အဘယ်ကြောင့်ဆိုသော် အကျွန်ုပ်တို့သည် မြင်ရခြင်းအားဖြင့် မပြုမူမနေထိုင်ဘဲ ယုံကြည်ခြင်းအားဖြင့် ပြုမူနေထိုင်သောကြောင့်ဖြစ်သည်။

ဤအရာအားလုံးသည် ဘုရားရှင်ပြုတော်မူသောအမှုပင်ဖြစ်သည်။ ဘုရားရှင်သည် ယေရှုခရစ်တော်အားဖြင့် အကျွန်ုပ်တို့ကို မိမိနှင့်ပြန်လည်သင့်မြတ်စေတော်မူပြီးလျှင် အခြားသောသူတို့ကို မိမိနှင့် ပြန်လည်သင့်မြတ်စေရန်အတွက် ဆောင်ရွက်ရမည့်တာဝန်ကိုလည်းပေးတော်မူသည်။ ဤသို့ဖြင့် ဘုရားရှင်သည် လူအပေါင်းတို့၏ အပြစ်ဒုစရိုက်များကိုမှတ်တော်မမူဘဲ ယေရှုခရစ်တော်အားဖြင့် မိမိနှင့်ပြန်လည်သင့်မြတ်စေတော်မူသည်။ ဘုရားရှင်သည် ပြန်လည်သင့်မြတ်ခြင်းတရားကို ဟောပြောရန် အကျွန်ုပ်တို့အားတာဝန်ပေးတော်မူသည်။

သို့ဖြစ်၍အကျွန်ုပ်တို့သည်ယေရှုခရစ်တော်၏သာဝကအနေဖြင့်သင်တို့အားမေတ္တာရပ်ခံအပ်ပါသည်။ ဘုရား ရှင်ကိုယ်တော်တိုင်ပင်လျှင် အကျွန်ုပ်တို့မှတစ်ဆင့်သင်တို့ကိုမေတ္တာရပ်သကဲ့သို့သင်တို့အားမေတ္တာရပ်ခံအပ် ပါသည်။ သင်တို့သည်ဘုရားရှင်၏ ရန်သူများအဖြစ်မှမိတ်ဆွေများအဖြစ်သို့ပြောင်းလဲကြပါဟု ယေရှုခရစ်တော်၏ ကိုယ်စား အကျွန်ုပ်တို့တောင်ဆိုပါသည်။

ထိုသို့ လူအပေါင်းတို့အတွက် ကိုယ်တော်အသေခံတော်မူခြင်းမှာ အသက်ရှင်သောသူတို့သည် မိမိကိုယ်ကျိုးအတွက် အသက်မရှင်ဘဲ မိမိတို့အတွက်အသေခံပြီး တစ်ဖန်ရှင်ပြန်ထမြောက်တော်မူသော ကိုယ်တော့်အတွက် အသက်ရှင်ရန်ဖြစ်သည်။ ထို့ကြောင့် ယခုမှစ၍ အကျွန်ုပ်တို့သည် မည်သူ့ကိုမျှလူတို့စံနှုန်းအရအကဲမဖြတ်ကြတော့ပေ။ တစ်ချိန်က အကျွန်ုပ်တို့သည် ယေရှုခရစ်တော်ကို လူတို့၏စံနှုန်းဖြင့်အကဲဖြတ်ခဲ့က်သော်လည်း ယခုတွင်မူ ထိုသို့အကဲမဖြတ်ကြတော့ပေ။

ယေရှုခရစ်တော်၏ ချစ်ခြင်းမေတ္တာသည် အကျွန်ုပ်တို့ကိုလွှမ်းမိုးလျက်ရှိသည်။ တစ်ယောက်သောသူသည် လူအပေါင်းတို့အတွက် အသေခံလျှင် လူအပေါင်းတို့သည် ထိုသူနှင့်အတူအသေခံကြောင်းကို အကျွန်ုပ်တို့သိကြပြီ ဖြစ်သည်။