Popular Bible Verses from 2 Corinthians 4

Share

ထို့ကြောင့် အကျွန်ုပ်တို့သည် ယခုမြင်နေရသောအရာများကို အာရုံမစိုက်ဘဲမမြင်ရသောအရာများကိုသာ အာရုံစိုက်ကြသည်။ မြင်ရသောအရာများသည် မကြာမီပျောက်ကွယ်သွားမည်ဖြစ်ပြီး မမြင်ရသောအရာများသည် ထာဝရတည်မြဲလိမ့်မည်။

ထို့ကြောင့် အကျွန်ုပ်တို့သည် စိတ်ပျက်အားလျော့ခြင်းမရှိ။ အကျွန်ုပ်တို့၏ အပြင်ပန်းကိုယ်ခန္ဓာသည် ပျက်စီးယိုယွင်းလာသော်လည်း အကျွန်ုပ်တို့၏ အတွင်းစိတ်ခွန်အားမှာမူ နေ့စဉ်နှင့်အမျှ အသစ်တိုးပွားလျက်ရှိ သည်။ အကျွန်ုပ်တို့ခဏခံရသောပေါ့ပါးသည့်ဆင်းရဲဒုက္ခသည် အတိုင်းထက်အလွန်ကြီးမြတ်သည့် ထာဝရဘုန်းအသရေကို အကျွန်ုပ်တို့အားခံစားစေလိမ့်မည်ဖြစ်သည်။

အကျွန်ုပ်တို့သည် ဆင်းရဲဒုက္ခအမျိုးမျိုးဖြင့် ဖိနှိပ်ခံရသော်လည်းမပြိုလဲ။ ဖြစ်ပျက်နေသည့်အရာများအတွက် ဇဝေဇဝါဖြစ်ရသော်လည်း စိတ်ပျက်အားလျော့ခြင်းမရှိကြပေ။ ညှဉ်းပန်းနှိပ်စက်ခြင်းကို ခံရသော်လည်း ဘုရားရှင်၏စွန့်ပစ်ခြင်းကိုမခံရ။ အလဲထိုးခံရသော်လည်း ရှုံးနိမ့်ခြင်းမရှိကြပေ။

သို့ရာတွင် အကျွန်ုပ်တို့၌အချုပ်အခြာအာဏာတန်ခိုးမရှိ၊ ဘုရားရှင်၌သာလျှင်ရှိတော်မူကြောင်းကိုထင်ရှားစေရန် ထိုရတနာကိုထိန်းသိမ်းရသူအကျွန်ုပ်တို့သည်မြေအိုးများသဖွယ်ဖြစ်ကြသည်။

ဤလောကကိုအစိုးရသောဘုရားသည် မယုံကြည်သောသူတို့၏စိတ်ကိုအမှောင်ဖြင့်ဖုံးအုပ်စေသဖြင့် သူတို့သည်မင်္ဂလာသတင်းကောင်းကိုမယုံကြ။ ထိုဘုရားကြောင့်ဘုရားရှင်၏ပုံသဏ္ဌာန်တည်းဟူသောယေရှုခရစ်တော်၏ဘုန်း အသရေတော်အကြောင်း မင်္ဂလာသတင်းကောင်းမှထွက်ပေါ်လာ၍သူတို့အပေါ်သို့ကျ ရောက်သည့်အလင်းရောင်ကိုသူတို့မမြင်ကြ။

အဘယ်ကြောင့်ဆိုသော် ယေရှုခရစ်တော်၏မျက်နှာတော်တွင်ထွန်းလင်းလျက်ရှိသော ဘုန်းအသရေတော်အကြောင်းကိုသိနားလည်နိုင်စေရန် အကျွန်ုပ်တို့၏စိတ်နှလုံးထဲ၌အလင်းကိုထွန်းလင်းစေတော်မူသော ဘုရားရှင်ကိုယ်တိုင်ကပင် “အမှောင်ထဲမှအလင်း ပေါ်ထွန်းလိမ့်မည်” ဟုမိန့်ကြားတော်မူခဲ့သောကြောင့်ဖြစ်သည်။