Popular Bible Verses from Mark 13

Share

လူဒွေဟမင်းဒို့ဝို ကိုယ်တော်ကြော့ မူးတီးကေ့လိမယ်။ အယ်ဘေမဲ့ မင်းဒို့ဟ နော့ဆုံးခီထိတိုင်အော် ဘုရားရှင်ပေါ်ယုံကြည်မှုခိုင်မြဲနေမယ်ဆိုဟာ ကယ်တံဇာခံရလိမယ်။

အယ်မျိုးဖြစ်ပျစ်ဒွေဟ ဟယ်ခီမှာဖြစ်ပျစ်မယ်နူးဆိုဇာ သိနိုင်ဘဲရိတွက် သင့်ပြင်ပီး ဒိဝိရိယနနေကေ့ပါ။

မင်းဒို့ဖမ်းခံရပီး ရားရုံးဝိုရော့ခါမှာ ဟဲမျိုးလျှော့လဲချင့်ဒွေပြောရမယ်နူးဆိုဇာဝို စိုးရိမ်ကေ့ပါန။ အယ်ခီမှာ မင်းဒို့ပြောရဝို့ဂါးလုံးဒွေထွက်လာအော် ဘုရားဝိဥာဥ်တော်ဟ လုပ်ဆော်ပေးပါလိမယ်။

ကောကံနမြေကီးဟ မတည်မြဲပေမဲ့ ငါပြောဒဲ့ဂါးဟ ဟယ်ခါမှပျော့ကွယ်သွားမှာမုဝ။

ငါပလန်ဝို့နေ့ရစ်နခီဝို ဟယ်သူမှတိတိကလကလဟယ်သူမှသိနိုင်ရ။ ဘုရားရှင်ရဲ့နတ်စေတမန်ဒို့လဲ မသိနိုင်သလို သားတော်ကိုယ်တိုင်ဟလဲ သိနိင်ရ။ အဖဘုရားရှင်တပါးတည်းဝိုသာ သိတော်မူပါရယ်။

မင်းဒို့ရပ်ဝေးရပ်နီးမှာ စစ်ဖြစ်ဒဲ့ဒန်းဒွေဝိုကြားရခီမှာ ထိလန့်တူလုခြင်းဖြစ်ကေ့ပါန။ အဲမျိုးဖြစ်ပျစ်ဒွေဟမုခလမသွေဖြစ်လာလိမယ်။ အယ်ဘေမဲ့ ကပ်ကမ္ဘာကူဆုံးခီမုသေးရ။

အားလုံးဟ အီရှင်ပလန်လာဝို့ရစ်နခီဝိုသိကေ့ရ။ အယ်ဘေမဲ့ အီရှင်ရုတ်တရစ်ပလန်လာမယ်ဆိုဝါ အီသားအားလုံးဟ နိုးနိုးကြားကြား ဖြစ်နေဝို့လိုအပ်ရယ်။ အီရှင်ဟ မင်းတို့အိနေဇာဝို တွီ့ပါစေန။ အဲဂျော့ မြဲဒိန နိုးနိုးကြားကြားနေကေ့ပါ ဆိုပီးလူဒိုင်းဝိုပြောရဇာဖြစ်ရယ်" ဆိုပီး မိကြားလေရယ်။

နိုင်ငံချင်းချင်း၊ လူမျိုးချင်းချင်းကြားမှာ စစ်ပွဲဒွေဖြစ်ပွားလိမယ်။ ကမ္ဘာ့နေရာနှံ့ပြားမှာ ငလျင်ဒွေလှုပ်လိမယ်။ လူပေါများစွာ စာငတ်မွတ်ကေ့လိမယ်။ အယ်မိုဖြစ်ပျစ်ဒွေဟ ဆိုက်ရော့လာမဲ့ ဆင်းရဲဒုက္ခဒွေရဲ့ရှေ့ပြေးဒုက္ခဒွေဘဲ့ဖြစ်ရယ်။

အယ်ဘေမဲ့ငါ့ရဲ့ဗြိတော်ဒွေဟ ကပ်ကမ္ဘာကုန်ဆုံးခီမတိုင်မှီမှာ ဘုရားရှင်ရဲ့ဒန်းကောဝို လူမျိုးပေါ်ဝို ကြေငြာကေ့ရလိမယ်။

မင်းဒို့ဆီဝို "ငါဟာမေရှိယပါ" ဆိုပီးပြောဒဲ့လူဒွေများကီး ရော့လာလိမယ်။ သူ့နို့ဟ လူဒွေဝိုလှည့်စားကေ့လိမယ်။

ဗြိဒို့ ဒိထားကေ့ပါ။ လူချို့ဟ မင်းဒို့ဝို ရားရုံးဝိုပို့ကေ့လိမယ်။ မင်းဒို့ဝို လူဒွေဝိုင်းရိုက်ကေ့လိမယ်။ မင်းဒို့ဟ တိုင်းပြည်အုပ်ချုပ်မန်းလုပ်သူဒွေရှေ့မှာ စစ်ဆေးခံရလိမယ်။ မင်းဒို့လဲငါ့ကြောဝို သက်သေထွက်ဆိုရလိမယ်။

မေရှိယတု၊ ရှေ့ဖြစ်ဟောပညာရှေ့ပရောဖက်တုဒွေဟလဲ ထူးဆန်းအံ့ဩစရာကောဝို နမိလက္ခဏာဒွေဝိုပြပီး ဘုရားရှင်ဝွီးကော့တော်မူထားဝို ဗြိတော်ဒွဝိုပါ လှည့်စားကေ့လိမယ်။

ဆင်းရဲဒုက္ခဆိုးဒွေန ကြုံပီးနော့ရစ်ဒွေမှာ နေမန်းကီးဟ မဲမှော်လာမယ်။ လမန်းကီးလဲမှော်မိုက်နေပါလိမယ်။ ကြယ်တာရာပေါလဲ မိုးကောကံမှ ကွီလာလိမယ်။ ကောကံခုလုံးလဲ ဘုရားရှင်ရဲ့ ဂိုးတော်ဒွေ သက်ရော့ပီး တူခါနေလိမယ်။