Popular Bible Verses from Mark 12

Share

ကိုယ်တော်ဟ "ရေးကီးဆုံးပညတ်တော်ဟတော့ ဣသရေလလူမျိုးဒွေမှာဆူတည်းသော ဘုရားတပါးတည်းသာရှေ့ရယ်။ မင်းဒို့ဟ ကိုယ်၊စိနှလုံးသုံးပါးလုံးန ဘုရားရှင်ဝိုလှိုက်လှိုက်လှဲလှဲ ကြည်ညိုဆည်းကပ်ရမယ်။ ဒုတိယချင့်ဟ ပါးသူဒွေဝဒို မိမိနထပ်တူမေတ္တာထားရမယ်။ ခြားပညတ်တော်ဒွေဟ အယ်ပညတ်နှေ့ခုလော့ပိုပီးရေးကီးရ" ဆိုပီး ဖြေလိုက်လေရယ်။

အဲခါသူ၏ဗြိတော်ဒွေဝို စုဝေးခေါ်ယူပီး "ငါမင်းဒို့ဝို မှန်ပြောရရင် အယ်မုဆိုးမဟ ဆင်းရဲပေမဲ့ ခြားသူဒွေထက်ပိုပီးလှူဒါန်းသွားရယ်။ လူတိုင်းဟ သူနို့မလိုအပ်ဘဲရာဒွေဝိုဘဲလှူဒါန်းကေ့ရယ်။ အယ်ဘေမဲ့ အယ်မျိုးသမီးဟလော သူ့မှာရှေ့သမျှချွေးနဲစာအားလုံးဝို လှူလိုက်ပီ" ဆိုပီး ပြောပြလေရယ်။

ကိုယ်တော်ဟ ဗိမာန်တော်ထဲထိုင်နေခီမှာ နီးမှာရှေ့ဝို လှူခံသေတ္တာထဲတို လှူငွေဒွေထည့်နေဇာဝို ကေ့နေရယ်။ လူချမ်းသာများစုဟ လှူငွေများဆုံးထည့်ဝမ်လှူဒါန်းဇာဝို ဒိထားမိလေရယ်။ နော့ဆုံးမှာဆင်းရဲသောမုဆိုးမဦးဟ သူမ၏ချွေးနဲစာ ပဲနိုဒန်းဂါးနှေ့စေ့လုံးဝို ထည့်ဝမ်လှူဒါန်းလိုက်လေရယ်။

ကျော်ဒို့ဟ ဘုရားရှင်ဝို ကိုယ်၊စိ၊နှလုံးသုံးပါးလုံးနကြည်ညိုဆည်းကပ်ရမယ်။ မိမိကိုယ်မိမိချစ်ဝိုမျိုးသူတပါးပေါ်မှာလဲမေတ္တာထားနိုင်ရမယ်။ အယ်ချင့်ဒွေဟ ခြားသောလိစန်ဒွေဝိုယဇ်ပူဇော်မှုန စားစာဒွေဝိုမီးရှို့ပီးပူဇော်ဇာထက်ပိုပီး ရေးကီးပါရယ်။ ဆိုပီး ကိုယ်တော်၏သွန်သန်ချင့်ဝိုဘောပေါ့လက်ခံသွားလေရယ်။

အဲနော့ကိုယ်တော်ဟ "သူ့နို့ဝို ဘုရင်မင်းမြတ်ပိုင်ဆိုင်ဇာမှန်သမျှ ဘုရင်ဝိုပလန်ပေးလိုက်ပါ။ နော့ပီးဘုရားရှင်ပိုင်ဆိုင်ဇာမှန်သမျှဝိုလဲ ဘုရားရှင်ဆီပလန်ပေးကေ့ပါ" ဆိုပီး ကိုယ်တော်ဟ မိတော်မူလေရယ်။ အဲလူဒွေဟလဲ ကိုယ်တော်ဝို ရားဒိုင်းအံ့ဩသွားကေ့လေရယ်။