Popular Bible Verses from Mark 14

ခုမျိုး ဒုက္ခဆင်းရဲမျိုးဝို သားတော်ရင်ဆိုင်လိုရ၊ အယ်မိုဒုက္ခဝေဒနာဒေဝိုဖယ်ရှားပေးတော်မူပါ၊ အယ်ဘေမဲ့ သား‌တော်ရဲ့လိုတော်တိုင်းဖြစ်စေန၊ အဖဘုရားရှင် လိုတော်တိုင်းသာဖြစ်ပါစေ" ဆိုပီး ဆုတောလေရယ်။

"ရှိမုန် အိပျော်နေဇာလော။ တနာရီလော့နိုးနိုးကြားကြားစော့နိုင်ရလော" ဆိုပီး ပေတရုဝို မိတော်မူလေရယ်။ အဲနော့ကိုယ်တော်ဟ "နိုးနိုးကြားကြားနေကေ့ပါ၊ မင်းဒို့သွေးဆော်ဇာမခံရဝို့ ဆုတောပီးနေကေ့ပါ၊ မင်းဒို့ဆန္ဒပြင်းပြပေမဲ့ ခန္ဓာကိုယ်ဟ အားနည်းနေသေးရယ်" ဆိုပီး မိတော်မူလေရယ်။

ငါမင်းတို့ဝို မှန်ပြောရမယ်ဆိုဝါ ကယ်တံခြင်းဒန်းဂေါဒွေဝို ကမ္ဘာနှံ့ဖလန့်ဝေကြခါမှာသူမရဲ့လုပ်ရစ်ဒွေဝိုပါပြောပြကေ့ပီး အယ်မျိုးသမီးဝို ဒိရပီးသူပြုခဲ့ဝိုကောမှုဒွေဝိုပါ ပြောပြကေ့လိမယ်" ဆိုပီး မိတော်မူလေရယ်။

"ငါဟ ရားဒိုင်းပူဆွေးဝမ်းနည်းနေရရယ်။ မင်းဒို့အယ်နေရာမှာဒိနနေကေ့ပါ" ဆိုပီးမိတော်မူလေရယ်။

သူ့နို့အဲမျိုးစားကောနေခီမှာ ကိုယ်တော်ဟ ပါမုဝိုယူပီး ဘုရားရှင်ရဲ့ကျေးဇူးတော်ပေါဝို ချီးမွမ်းလေရယ်။ ကိုယ်တော်ဟပါမုဝို ဖဲ့ပီး ဗြိတော်ဒွေဝို "အယ်ပါမုဝ ငါ့ရဲ့ကိုယ်ခန္ဓာဖြစ်ရယ်။ ယူစားကေ့ပါ" ဆိုပီး ပြောပီးလှမ်းပေးလိုက်လေရယ်။

အဲနော့ ဝိုင်ခွက်တခွက်ဝို ကိုင်မြော့ပီး ဘုရားရှင်၏ကျေးဇူးတော်ဝို ချီးမွှမ်းလေရယ်။ ဗြိတော်တို့ဝို "အယ်ဗျစ်ရည်ဟငါ့တွီးဖြစ်ရယ်။ လူဒွေရဲ့ပြစ်ဝိုခွမ့်လွှတ်စေဝို့ ငါ့တွီးဝိုသွန်းလောပီး ဘုရားရှင်နပဋိဉာဥ်ပြုထားဇာဝို ငါတည်ပြုမယ်။

ကိုယ်တော်ဟဗြိတော်ဒို့ဝို "ကျမ်းစာတော်မှာ "ငါဟသိုးထီးဝိုသတ်ရိတွက် သိုးဒေကစဥ့်ကလျားဖြစ်ကေ့လိမယ်" ဆိုပီးဖော်ပြထားဒဲ့တိုင်း ဗြိတော်ဒို့အားလုံးဟ ငါ့ဝိုစွန့်ခွာပီးထွက်ပလေးကေ့လိမယ်။

"ဗြိဒို့ ခုထိအိနေဒူးဘဲ့လော။ တော်လော့ပီ၊ လူ့သားတော်ဝို ဒုစရိုက်သားဒွေလက်ထဲဝို ထည့်ဝို့ခီဝိုရော့နေပီ။ ကိုယ်တော့်ဝို သစ္စာဖော့ဝို့လူလဲ အယ်နားဝိုရော့နေပီ" ဆိုပီး ကိုယ်တော်ဟ မိတော်မူလေရယ်။

အဲခါကိုယ်တော်ဟသူ့ဝို "အယ်နေ့ညစ်ဂေါ်ကျော်ထိ လင်းကြစ်နှေ့ခါမတွန်ခီမှာ မင်းဟငါ့ဝိုသုံးကီတိုင်တိုင် ငြင်းပယ်ပီးသားဖြစ်နေလိမယ်။