Popular Bible Verses from Aba Filipi 4

Share

Mutakapasyanje nizya chintu chimo, loli munyiputo zyinyu zyosi, mumulabe u Chala ivyakusobelwa vyinyu nu moyo uwakupalizya.

Po umutende uwakufuma kwa Chala ghugho ghuchilite akivwisizye kosi aka muntu ghukwiza pakusunga akiza amoyo ghinyu, sona ni nyinong'ono zyinyu pakumamatilana poka nu Kilisitu u Yesu.

Mwee bakamu bane, pabumalilo nkubabuzya ukuti mubikayepo umoyo pavintu vyosi vivyo vyiza nkani, sona ni vichindamu ivi: Ivyanaloli, ni vichindamu, ni vigholosu, ni vizelu, ni vighaniwa, sona ni vyamuchizi.

Ningabomba ichintu chosi ukwendela mumwache yuyo akumpa amaka.

Muhobokaye mwa Mwene utubalilo tosi. Nkupyanizya sona ukuti, “Muhobokaye!”

U Chala wane akwiza pakubapa ivyakusobelwa vyinyu vyosi ukuyana nu bukabi bwache ubwabuchindamu mwa Kilisitu Yesu.

Bombezya imbombo vyosi vivyo mwamanyila pamo ukupokela, pamo ukwivwa kukwane, pamo vivyo mwavyennya mumwane. Po u Chala umwenecho uwa mutende akwiza pakuba namwe.

Akabalilo kosi mubanje bololo na bantu bosi. U Mwene ali pamulyango.

Pakuba mupina nkumenye, sona pakuba mukabi kope bulo nkumenye. Pakuti namanyila ubusyefu ubwakwikutisiwa na vivyo indi navyo, manyi pakuba ni vyakulya ivyinji, manyi pakuba nizala, manyi indi navyo ivyinji, manyi nkusobelwa.

Intakunena bunubu pachifukwa ichakuti nasobelwa, awe, pakuti namanyila ukwikutisiwa ni vintu vivyo indi navyo.