Popular Bible Verses from Matiö 5

Share

‑Bɛ 'ü 'nɩ ‑gölö 'napɛ ‑a 'ümä 'ɛɛn ‑soru ‑gälɩ 'kägbri. 'Napua tii ‑gälɩ 'ü 'sree 'ɛɛn 'kä, 'kä 'ɛ ŋʋala nyüüa 'fɩɔ ‑gälɩ. 'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

«'Amɔ bä 'pläa 'napɛ. Bätälä 'palaa' 'dʋgba 'wli 'nyɩ ‑sisiesa ‑a bä.

Abɩa dɔrʋ 'bla nyüülü kä plɛ ‑gälɩ 'pɔlɔa', 'be 'ünya Nyɔsʋa 'jäa.

Abɩa dɔrʋ 'bla nyüülü 'klɩgägäkʋa ‑gbëka nyra 'mamlatʋ 'blaaa', 'be wiili 'ü 'bataa' nya nröröa!

‑Maa ‑jäsɩ 'n ‑gbalaa' 'amɩ nɩ, 'ba ‑wa 'ana 'nyüamlɩjraranyüü, nyüülü busua' 'amɩ, 'ba 'pa 'üün 'nɩ, ‑bɛ 'ba nʋ 'ana 'nyüamlɩjraranyüü 'cɩcagbi ‑gba, 'kä 'a bibie nyüülü nöa' 'amɩ ‑gbi ‑gba 'üa 'wli 'lɩ.

«Abɩa dɔrʋ 'bla nyüülü kä bobowli bäa' 'pʋa 'lɩ, 'üü kä Cɛɩɩa 'kamaplä!

Abɩa dɔrʋ 'bla nyüülü 'bataa' 'wlinönrökʋ, 'üü 'ü nëmä Nyɔsʋaa 'jü were!

Abɩa dɔrʋ 'bla nyüülü 'wuöa', Nyɔsʋa nya 'üün plɛmlɩpaa.

Abɩa dɔrʋ 'bla nyüülü 'ü nöa' ‑gbigba, 'klɩgägbili 'ü nöa' 'ia ‑gʋ; 'üü kä Cɛɩɩa 'kamaplä!

Abɩa dɔrʋ 'bla nyüülü käa' nyatɛplɛ, 'be Nyɔsʋaa nya 'üa nyatɛrɩ 'jäa.

«Abɩa dɔrʋ 'bla 'amɩ nyüü ma ‑jejre 'amɩ, üma nʋ 'amɩ ‑gbi ‑gba, üma 'pa 'ana ‑gʋ bʋbɔwii nyra üma ‑tʋ bɩa 'amɩ ‑gbagblɛ ‑gälɩ 'na ‑gʋ. 'Ba 'bri ‑bɛ abɩa dɔrʋ 'bla 'amɩ, 'be 'ana 'pɛɛ nya 'bʋaa cɛlɩ! 'Asɩ 'ü nʋ, 'ünya nʋ kä nyɔsʋaamlɩpalanyüü ‑gbi ‑gba, 'a ‑kaaŋlʋa' ji.

Abɩa dɔrʋ 'bla nyüülü 'wlaa' 'lɩkä. 'Üü Nyɔsʋa nëmä 'plä jaa 'lɩ ‑nyrɛɛlɛ!

«'Amɔ bä ‑tʋtʋ ‑gälɩa taŋlʋ; ‑maa taŋlʋ ma ‑kanyɩ 'ua mɛ ‑a kä, ‑asɩ 'ünya 'sɔɔwʋ 'uun 'ua mɛ ‑nyɩ le? 'U ‑kanyɩ 'nɩmɩ 'na ‑a 'na dɩjɔ 'dooa ‑gʋ. ‑Fälɩ 'ü be 'uun, 'kä nyüü 'nyɛɛ 'uun ‑gälɩ.

'Ii känyrɩ 'ba ‑gäklɩ, 'sɩrɩ 'ana Tʋlɔ bäa' cɛlɩ ‑gäa' 'klɩ.

'Ba 'daa: ‑Yɛɛ, ima bä ‑yɛɛ, ‑bɛ 'Woo, ima bä 'woo. ‑Mɩlɩ ‑ka jöa' 'lɩgälɩ nɩ, Plɛbʋbɔsusua ni bäsaa.

«'A 'nu 'ü ‑nëmä: ‹ 'Nyiö 'saa 'nyiöa 'kpa; ‑glɛ 'saa ‑glɛa 'kpa .› ‑Maa ‑jäsɩ 'n ‑gbalaa' 'amɩ nɩ, nyɔɔ ma nʋ ‑mɩ ‑balʋ ‑gba nɩ, ‑nyɩ 'sa 'ia 'kpa. Nyɔɔ ma 'pa ‑na 'dupa ‑glagbʋ ‑gba 'kpa nɩ, to bɩa 'ɔɔn 'sɔɔa nu 'klɩ.

‑Na 'dupa 'nyiöa ‑gʋ ‑ama nʋ ‑balʋ nɩ, 'balɩ 'ään, be 'ämɩ kpaun 'klʋɛɛ. 'I ‑siwʋ ‑a ‑mɔɔlɔ ‑na fugbaa 'pɛ 'dee 'kä 'ümä ‑na 'fɩɔ kapulu 'nyɩ 'nyrɔlɔa' 'plɔʋa 'mlɩ be. ‑Na 'dupa 'darʋa ‑gʋ ‑a ‑ma nʋ ‑balʋ nɩ, 'bölɩ 'uun. 'I ‑siwʋ ‑a ‑mɔɔlɔ ‑na fugbaa 'pɛ 'dee 'kä 'ümä ‑na 'fɩɔ kapulu 'nyɩ 'nyrɔlɔa' 'plɔʋa 'mlɩ be.