Popular Bible Verses from Matiö 6

Share

'Ba 'bata ‑kätɩ Nyɔsʋaa 'kamaplä nyra 'ɔa 'klɩgägäkʋ, ‑bɛ 'ɔmä 'lɩ 'amɩ ‑taa diilia 'fɩɔ 'wlibɩa.

«'Ii känyrɩ, 'ana plɛ 'nyɩ ‑taaralɩ ‑sraakäpɩa ‑gʋ. ‑Sraakäpɩ nya 'ia 'mʋgbɛa ‑gä 'paa. ‑Srɩ ‑bɛ 'ia wii.

«'A 'ia ‑gʋ 'n ‑gbala 'amɩ, 'ana plɛ 'nyɩ ‑taaralɩ 'ana 'kläa ‑gʋ: 'kä dɛɛlɛ 'amäa' ji, dɛɛlɛ 'amäa' 'mla, 'ana fugba nyra diili 'amäa' 'srooa ‑gʋ. 'Klä ‑si jijri 'wʋ; fugba nya ‑si 'sosroodii 'wʋ.

‑Maa ‑mɔ ‑ama 'mä Nyɔsʋa bibie nɩ, pa ‑na nyüköli, 'pa ‑na tatu 'kä bibie ‑na Tʋlɔ bäa' ‑plɩɩlɩ ‑sisrea'. 'Ia 'taɩn 'lɩ ‑na Tʋlɔ 'jääa' diili ‑nöa' ‑sisredii 'lɩ 'mä ‑mɩ ‑jria 'klɩ 'pɛrɛ.

«'Ii känyrɩ ‑jäsɩ 'a käa' 'amäa' Nyɔsʋa bibie: Ana Tʋ, ɔ bäa' cɛa 'mlɩ, abɩa ‑na 'nyünanyrɩ 'bʋala. Abɩa ‑na 'kamadɛɛ 'tɔ ‑tʋtʋ ‑gälɩ. Wiili ‑baataa', i nrörö ‑tʋtʋ ‑gälɩ 'sɩrɩ 'i nröröa' cɛa 'mlɩ.

‑Nyɩ amɩ ana ‑srɩa 'mlɩa jijrɛ.

Cere amɩ ana ‑balʋ 'sɩrɩ ana 'mʋgbɛ cerea' nyüülü nöa' amɩ ‑balʋ ‑gba, 'üa ‑balʋ.

‑Nyɩ tɛ bɩa amɩ 'klɩ anyɩ mi ‑balʋ 'lɩ, ‑maa 'ba amɩ Plɛbʋbɔsusu kälɩ, 'be ‑mɔ kä 'pläa 'kamakʋ, 'klü nyra 'bʋalakʋ 'plɔʋplɔʋ. 'Asɩ i bä.

«'Be 'ama cere nyüü 'üa ‑balʋ, 'ana Tʋ bäa' cɛa 'mlɩ 'ɔnya 'amɩ 'ana ‑balʋ cerea.

'Ba 'jä nyisie. ‑Mää pla 'inyɩ pla, ‑mää 'üa papladii 'ünyɩ 'sa. ‑Mää nyikli 'lɩ 'ünyɩ 'jrara jijri, ‑maa 'ana Nyɔsʋalɔ bäa' cɛlɩ 'fini 'iin 'klɩ! ‑Bɛ 'a ‑si nyisie 'wʋ ‑gböösa 'e!

«'Anyɩ 'papla ‑pɩ ‑tʋtʋ ‑gälɩa 'bɩɔ ‑gba; 'be 'nya nyra ‑wlɔsʋ bʋblɔ 'uun, ‑bɛ 'jejienyüü wa wa dii ‑bɛ 'ü 'jie 'iin. ‑Maa 'papla cɛlɩa 'bɩɔ ‑gba, 'be 'nya nyra ‑wlɔsʋ 'nyɩ bʋblɔ 'uun ‑a. 'Jejienyüü 'nyɩ wawla 'lɩ dii ‑a, ‑bɛ 'ünyɩ 'jiere 'lɩ ‑a. 'Be ‑plɩɩlɩ 'ana 'bɩɔ bäa', 'ii 'ana plɛ 'pi.

«Nyɔɔ 'nyɩ 'lɩ ‑a bä 'ɔmä 'kamanyüü 'sɔɔa 'jrʋpa 'wʋfɛrɛ. 'Ɔnya 'doo 'nyüamlɩjraraa 'kä 'ɔnya ‑mɔlɔ ‑wa. 'Aiɛ 'ɔnya 'lɩ 'doo ‑trääräa ‑gböösa, 'kä 'ɔnya ‑mɔlɔ sawʋ 'pa. 'Anyɩ 'lɩ ‑a bɩa 'amä Nyɔsʋaa 'jrʋpa nyra möliia 'jrʋpa 'wʋ ‑fɛrɛ.

‑Bɛ Nyɔsʋa ma nʋ 'saa ɔma 'sroo 'klʋɛɛa 'sipili nëmäa' ‑pɩ doro 'ümäa' 'pütö nɩ, ‑asɩ 'ɔ ‑nëmä 'amɩ 'sroo le, 'amɔ kä nyɔsʋaplɛ 'nyɩa' 'bʋa?

‑Maa ‑mɔ ‑ama ‑nyɩ 'pʋablanyɔɔ dɛɛ nɩ, nʋ 'iin 'sɩrɩ ‑na kʋmla 'darʋ ‑pɩa' wiili ‑na 'dupa 'darʋ nöa' 'jä. 'Asɩ dɛɛlɛ ‑nyɛɛa' 'pʋablanyüü kä 'imä ‑sisie. 'Ia 'taɩn 'lɩ ‑na Tʋlɔ 'jääa' wiili nöa' ‑sisiedii 'lɩ 'mä ‑mɩ ‑jria 'klɩ 'pɛrɛ.

«'Ba ‑tre 'ana nyüfë, 'anyɩ nʋ 'ana nyɔsʋaajrʋpa 'kä nyüü 'mä ‑gʋ 'amɩ 'jäjrä. 'Ama nʋ 'saa nɩ, 'ana Nyɔsʋalɔ bäa' cɛlɩ ‑ka ‑nëmä 'amɩ dɛɛlɛ 'ɔmä ɩa' 'amɩ ‑nyɩ ‑a ‑nyɩ.

«‑Bɛ 'ama pa su nɩ, 'anyɩ 'kpɔɔ ‑beere ‑glagälɩsrörönyüü. Üma pa su nɩ, 'ü kpasa 'klɩ nyüü 'mä 'saa jre 'sɩrɩ 'ü paa' su. 'Cɩcasa 'n ‑gbala 'amɩ, 'ü 'a 'üa 'pɛɛ 'jä! ‑Maa ‑mɔlɔ nɩ, ‑ama pa su nɩ, su ‑na 'klʋɩ, 'pa ‑na 'wli ‑daŋlʋɩnɩ nyɔɔ ‑pɩ 'saa jre 'sɩrɩ ‑paa' su, ima 'nyɩ ‑na tʋlɔ bäa' ‑sisrefawʋa 'doo ‑a bä. 'Ia 'taɩn 'lɩ ‑na Tʋlɔ 'jääa' diili nröröa' ‑sisredii 'lɩ nya ‑mɩ ‑jria 'klɩ 'pɛrɛa.