Popular Bible Verses from Matiö 4

Share

'Iibäa' Jesu nɩ: «'I ‑jɩjra nyɔsʋapɔɔkʋ 'lɩ ‑maa: ‹ ‑Mää jijrɛa 'doo 'nyɩ ‑nyɩ nyɔɔ 'klä, ‑maa 'papawiili kä 'fɩɔ jaa' Nyɔsʋaa mlɩ, ‑nyɛɛɛ 'klä .› »

Jesu nya ‑gbala 'ɔɔn: «Mumlö 'mɩ 'lɩ dɛrɩ, Sataan! 'I ‑jɩjra nyɔsʋapɔɔkʋa 'mlɩ ‑maa: ‹ 'Pläkänyɔɔ, ‑na Nyɔsʋa, 'ɔa 'dooa 'klʋɩ ‑nëmä kotifli 'pala, 'ɔa 'doo ‑nëmä ‑pʋpʋa .› »

'Iibäa' Jesu nɩ: «'Ii ‑jɩjra 'lɩ bɩa ‑maa: ‹ ‑Nyɩ 'traɩn ‑na *'Pläkänyɔɔ Nyɔsʋa !› »

'I ‑sia' nɩ, Nyɔsʋaa ‑Susu nya fa Jesu ‑aaga 'lɩ Sataan 'mä 'ɔɔn 'traɩn. 'Ɔ bɩaa' ‑srɩa ‑glʋɩsɔɔ nyra ‑gbiaa ‑glʋɩsɔɔa supapakʋ nɩ, ‑gbëka nya 'bla 'ɔɔn ‑gböösa.

Jesu nya we 'üün: «'Ba ji 'nyraa 'amɩ 'mä 'nyɛ, ‑bɛ 'mä 'amɩ nyüüfɩanyüü 'lɩnrörö.» 'Köklesa 'a ‑plɩɩ 'ü ‑gba 'üa ‑tatë 'kä, 'ünya ‑mɛ 'ɔɔn ‑gälɩ.

'A ‑plɩɩ Jesu 'bala nyüüa nyɔsʋaawiia ‑gbapalakʋ. ‑Jäsɩ 'ɔ ‑gbaaa' nɩ: «'Ba toro 'lɩ ‑balʋ ‑gälɩ, 'be Nyɔsʋaa 'kamaplä 'a 'amɩ ‑gbajijrö!»