Popular Bible Verses from اول تیموتائوس 3

Share

اِراسی گه سِرّ دینداری فِرَه کَلِنگَ: او گه اِنوم جسم ظاهر بی، وَه‌سونگَ روحِ خدا ثابت بی، فریشدَه‌ل اوُ دی، اِنومجا قومَل اِلوم بی، اِنوم دنیا ایمونو آوِردَ بی، ئو وَه جِلال، ویرِ بِلِنگ بَریا.

اِسَه، یِه اُسقُف باس چیئی اِ زِنِه‌ی ناوتی تا وَه‌سونگَ اَوا لارَه بوتی اَری، میردَه یِه ژَن بو ئو وَه سر ووژا بو، بتونی نوا ووژ بِگِری، آوِری‌دار ئو هُن‌هاوو بو ئو بتونی تیَلیم بِ؛

هَمیش باس عتِ‌عیال ووژ خو ادارَه بِهِه ئو آیلَلی جوری باریَ عمل گه وَه عزّت کامل اَژی فِربو بیَرنی.

هر شمّاسی باس میردَه یِه ژَن بو ئو هَمیش باس آیلَل ئو عتِ‌عیال ووژ خو ادارَه بِهِه. اَرِیَگه اونَلی گه اِ کار شمّاسی خو خِلمتَ مَهَن، مقوم خوئی اَرِه ووژونَ مارِنَ دس ئو اِنوم ایمو وَه مسیحْ عیسی مَرَسِنَ اطمینو فِرِه‌ی.