Popular Bible Verses from Hebreo 13

Share

Diyan kam kumán a hupa ni pilak; makontento kamon ni ánya u katoy nikam. Dipo kinagi nu Diyos, “Awan taka lakaden oni pabayan.”

Maski nikan ay awan magbabagu ti Jesu-Cristo. Ni ánya siya tu itod ay konna labe siya nadid sakay hanggan-hanggan.

Kanya awan ti pagduwwa-duwwa a makagi tam, “U Panginoon u tumulung nikán, awanák manteng. Ánya u magimet nikán nu tolay?”

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

Kanya pirmi kitam a magalay ti papure tu Diyos tu pamamag-itan ni Jesus, papure a mángkagi tu pákkatukoy tam tu ngahan na.

Dapat igalang nu atanan u pákkabanga, sakay magin tapat tu balang essa u magkabanga. Dipo hatulan nu Diyos u mangibábbey oni mangilállake.

Diyan moy kalimunan a magpatulos tu dayuhan hide. Tehhod a sangan a naggimet ti konna he, nakapagpatulos hide tu anghel hide a awan de namalayan.

U Diyos a ginábwatan nu kapayapaan, sakay nangbiyag a huway tu Panginoon Jesus, a nagin Dakila a Pastol nu tupa hide dipo tu dige na a nangpatibay tu awan ti kahád a kasunduwan, u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!