Popular Bible Verses from أفَسُس 2

Share

عَلَشان نِحنا شُغل الله، و هو خَلَقنا في المَسيح يَسُوع عَشان نَعمِل أعمال كوَيسَه، الجَّهَّزا الله مِن قُبّال عَشان نَعمِلا.

عَلَشان بِالنِّعمَه إنتو مُخَلَّصين بِالإيمان. و داك مُش مِنَّكُم. هو هَديَّة الله، مُش مِن أعمال، عَشان واحِد ما يَشكُر نَفسو.

لَكِن الله، عَلَشان هو حَبّانا بِمَحَبَّه عَظيمَه و هو غَني في الرَّحمَه، عَمَلنا حَيين مَعَ المَسيح لَمّا كُنّا مَيِّتين بِالخَطايا. عَشان بِالنِّعمَه إنتو مُخَلَّصين.

و الله قَوَّمنا مَعَ المَسيح، و عَمَلنا نَقعُد مَعاهو في المَحَلّات الفي السَّما في المَسيح يَسُوع.

و عَلَشان كِدا، بَعَد دا إنتو مُش غَريبين و ناس مِن بَرَّه، لَكِن مُراح واحِد مَعَ القِدِّسين و أعضاء أهل بيت الله. و هو بَناكُم عَلى أساس الرُّسُل و الأنبياء، و يَسُوع المَسيح نَفسو، الحَجَر، الهو راس الرُّكن.