و بَصَلّي عَشان أفكاركُم بِكونو مَفتوحين لِنورو، عَلَشان تَعرِفو الرَّجاء الهو إختاركُم ليهو، و تَعرِفو غِنى مَجد ميراثو في القِدِّسين. و بَصَلّي عَشانكُم تَعرِفو قُوَّتو الكَبيرَه لينا. و القُوَّه دي فوق كُلّو شي و بِتساعِدنا المؤمِنين. و دي نَفس القُوَّه الهو عَمَل في المَسيح لَمّا هو قَوَّمو مِن بين المَيِّتين، و أدّاهو الكُرسي عَن يَمينو في المَحَلّات الفي السَّما. و هو فوق كُلّو رياسَه و سُلطَه و قُوَّه و مَملَكَه و كُلّو إسم البِدّوهو لِلنّاس، مُش في الزَّمَن دا بَس، لَكِن في الجّاي كَمان.
