Popular Bible Verses from USANG DAHA' ISRAEL 3

Share

Ken Allah nyu'ei Musa, “Anih nah aran Kui: AKUI KAH ALENG ATEK-ATEK ALLAH LAN-LAN.” Ken Na' la'an, “Nunih dahum men daha' Israel atih, ‘AKUI KAH ALENG ATEK-ATEK ALLAH LAN-LAN ken Na' nurei dih Iha' aleng nyihu akui nei pala ikam nih,’ kum.”

Iha' nah Allah kuma', “Bareng si' Akui em té' dahim iah? Anih nah tada' aleng Ek uk men ika' ja ika' jam Akui aleng nyihu ika' tei, iha' tih tegu ika' uh geri bengsa' Israel anan musang men daléh Mesir na'a, ikam seng sebayang té' Akui ujung ngalang anih.”

Iha' nah Tuhan kuma' la'an, “Meng im nei jeleng hinih, im uéh nah kasut ka' men kudek ka' anan, avin tana aleng ngavam nekring anan tana aleng ma'ang.”

Lun ken Tuhan Allah men iha', “Akui uh jam lim-lim katé' daha' pahu Kui aleng ha' Mesir. Uh Kelenghek nah angih daha' avin kenan ji'ek kelunan aleng geri daha' nyadui atih. Kitak lan-lan nah katé' daha'. Avin anan nah Akui nei ngiléh ngenep makau daha' atih men usu kelunan Mesir, dahin geri daha' musang men daléh anan, tei ha' ji daléh aleng sayu dahin aleng layang, ji daléh aleng penu té' telang uso' dahin nyihun na', ha' ngavan kelunan Kanaan, kelunan Het, kelunan Amori, dahin kelunan Feris, kelunan Hewi dahin kelunan Yebus.

Tinan nah Meliket Allah nei tula té' iha' té' alem kelat apui nei men alem ji kelukung uleng. En na' nyineng nah kelat apui anan nei musang men alem kelukung uleng atih, beka' nusi' ha' tutung.

Kerei inih, Akui nyihu ika' tei pala Firaun ja ika' tei geri daha' pahu Kui atih, iha' tih geri daha' bengsa' Israel anan musang men daléh Mesir nan.”