Popular Bible Verses from USANG DAHA' ISRAEL 2

Share

Kelenghen Allah nah ha'ui daha' atih, hituk nah Iha' té' jaji Na' dahin Abraham, nurei pah dahin Iskak, nurei pah dahin Ishak, nurei pah dahin Yakub dih lahuh. En Allah nyineng nah daha' Israel anan, kitan Na' pah katé' daha'.

Kuri-kuri duman men'uh anan matei nah laja' Mesir anan dih. Menghui tua nah daha' Israel dahin pepdéng tua, avin katé' lelan nah daha' té' hadui daha, angih daha' pah ateng ha' unan Allah.

Tegu anak atih uh dekaya', en na' aten nah iha' pala anak Firaun anan dih, iha' pah mamung anak anan jadi' anak na'. En na' na nah aran na' Musa, alem na', “Avin akui uh ala iha' men alem hungei.”

Kuma' nah anak doh Firaun nan men hinan anak anan, “Im ari nah anak anih, tuboh nah iha' men akui, ek uk kah gaji ka'.” En doh anan ari nah anak anan dahin tuboh iha' sayu-sayu.

Lun nei nah anak Firaun aleng doh atih duh ha' hungei Nil, dahin daha' nyemdoh aleng bakéh-bakéh na' lahuh. Panau-panau nah dalo' té' bahé' hungei anan, beka' kitan anak Firaun aleng doh anan nah pati aleng té' bahé', té' hang temadau anan dih, en na' nyihu nah ji doh bakéh na' atih tei ala na'.

Men'uh anan dih, nei-nei dekaya' nah Musa. Tegu iha' uh dekaya' lun tei nah iha' panau' ngenep jam daha' harin-harin na', iha' pah nyineng daha' alem daha' na hadui aleng bahat lelan atih. Alem iha' panau-panau, kitan na' nah ji kelunan Mesir nukun ji kelunan Ibrani, ji kelunan bengsa' na'. En Musa nyineng nah hiréh hitih, nusi' té' kelunan kitan na', pelalau nah iha' lematei laké' Mesir anan dih, en na' tanem nah patei na' alem hit.