Popular Bible Verses from Luk 5

Share

Angu babollay kawando, ayéj ummu sídeeno m'aretuhne Simon: - Inini! Índokoŋ ba beŋen bi jakaamo afaŋunumne n'adooŋ k'uworoŋ bim jambaalankánan.

Angu, úmár ayéjem: - Arafaŋ, ingah! Káriman déegen giguyminne nanka, kongurimiŋ haman kokat. Kanda inini, ni f'úyejne mint índokoŋ, índokoonuŋ angu k'ídek ibaalmiŋ bim. K'angu andék bi jakaamo afaŋunumne n'adooŋ. Bampút bim ampad jambaalo. Jambaalo alah jakato fo jambaalo arumun tip, f'ásiiba guhal.

Kanda gúduk ungo na, Yensa adék ba a kantíg k'ayerer k'aŋay na saliŋo. Nim gakaanahne.

Abocin ayéj: - Angu, maŋ nim gamíirne a binaam. Ingah! Me, ii, mi wúuhuroŋoŋne gídekuntne guhuyo, ki nim ankúbul jamméejenkinin imbi Díino. Kanda wúuro m'awúuhne mungu, jadaŋ búyejhinem akúbul jamméejhinem imbi Díino. Nim Yensa aŋoyindeeniŋne dam.

Angu Simon Piyer, bafégi hómár, adék aruŋa a jannoku Yensa k'ayéjem: - Arafaŋ! Ingah! Fi wúur urenni fet. Me, dipiren sinkokayo ingi fi. Me ilabunlabun júnuboŋo. Angu, bonkerer k'úbenneem k'údek.

Yensa ayennehin k'ayéjeeniŋ: - Ingah! Eke, aji jéburo údekhineh imbi usaajumo? Kanda, aji honj lahuro, dúdek ba a binaanam?

Angu Yensa balóbi nim, Simon ingi índinenkinem anjonna ba a gúmeero. Bampút a gúmeero, ankuc a múndeeno. Bankuci ambénn na múndeeno ingi hogurumaareŋ h'anyikne nip k'antifilin Yensa k'anguy ñantaalibehinem.

Angu ayikyik bísiba, Yensa adék ba a saari adúk, úmár ingi ñantaalibehinem. Bapúti a saariŋo nómár, údiigeen mu kafaño alah adéker ba a binaanam. Agida wúuro úmár, kafaño ayikyik sembe dáde a arinkinem. Arinkinem nip anoonooh kafañ. Angu údiigeeno, bafégi Yensa, aŋoya baman a réeŋo ayéjem: - Arafaŋ! Me ísiibáásiib k'újebineem. Afeereemfeer maro agi asúumi fi, upiren újebineem ki kafaño afúr arinkum nip. Angu, maŋ ni ayéjne ki Yensa ajébinem, Yensa adooh silakánam k'alóbund újebireŋo, ayéjem: - Ingah! Me ísiibáásiib k’újeb! Jéber k'urenn! Angu balóbi nim, kafaño afúr imbi údiigeeno. Údiigeeno ajéb kaŋ.

Angu , afúrumi na, gurethu Yensa afaŋunum n'ayéega dáde. Beŋen beŋen apaspas. Angu jamaŋo andékireh imbi Yensa anrumun tip, ki k'anjanteneh kawandhánam ingi mees ki k'ajébun m'annérne.