Popular Bible Verses from कुलुसिऔं 3

Share

अगर किसी सै लड़ाई होए तौ एक दूसरे की सैह लो और माफ करौ, कैसेकै जिस तरै मसी नै तुमकै माफ करो तौ तुमकै बी बैसेई एक दूसरे कै माफ कन्‍नो चँईऐ।

धरती की ना पर सुरग की चीजौ मै मन लगाऔ।

और जो कुछ बी तुम करौ हौ बाकै सच्‍चे दिल सै करौ और जौ बात समज लेईओ कै तुम जो कुछ कर रए हौ बाकै आदमी के ताँई ना पर हमरे परभु के ताँई कर रए हौ।

तुम परमेसर के छाँटे भए पबित्‍तर और पियारे लोग हौ। इसताँई दया, भलाई, दीनता, कोमलता और सबर कै पैहरलो।

मसी के बचनौ कै अपने दिल मै पूरी तरै सै बसालो; और पूरे गियान सै एक दूसरे कै सिकाऔ और चितौनी दो, और अपने अपने मन मै धन्‍नबाद के संग परमेसर के ताँई किरतन करौ और भजन और आत्‍मिक गीत गाय करौ। तुम लोग जो बी बोलौ या करौ, बौ सबई परभु ईसु के नाम सै करे करौ, और बाईके दुआरा परमेसर अब्बा कै धन्‍नबाद देते रौह।

इन बातौं के अलाबा पियार के संग चलौ और पियार सबई कै आपस मै पूरी तरै सै जोड़े रक्‍खै है।

अगर जब तुम लोगौ कै मसी के संग जिन्‍दो करो गओ है, तौ सुरग की चीजौ कै ढूंड़नै मै लगे रौह, जहाँ परमेसर के खाने हात की ओर मसी बैठो है।

मसी की सान्‍ति तुमरे दिल मै राज करै और जाई सान्‍ति के ताँई तुम लोगौ कै एक सरीर के अंग बनाकै बुलाओ गओ है, और तुम हमेसा धन्‍नबाद देते रौह।

इसताँई तुम बी अपने सरीर की उन बातौं कै खतम कर दो, जो जा दुनिया की हैं, मतलब बैबिचार, गंदे काम, गंदी सोच, गंदी बात कन्‍नै की इच्‍छा, लालच जे सबई मूरती पूजा के बराबर हैं।

कैसेकै तुम तौ मर गए हौ और तुमरी जिन्‍दगी मसी के संग परमेसर के भीतर लुकी है।

पर अब तुम लोगौ कै घुस्सा, जरन, दुसमनी, बुराई कन्‍नी और गारी दैनो, इन सिगरी बातौं कै छोड़ दैनो चँईऐ।

तुमकै एक दूसरे सै झूँट ना बोलनो चँईऐ कैसेकै तुमनै अपनो पुरानो सौभाब और बाके काम अपनी जिन्‍दगी सै उतारकै फैंक दए हैं। और एक नओ सौभाब कै पैहर लओ है, जो तुमकै बनानै बारे के हाँई है जो बाकै जान्‍नै की ओर अग्गे बढ़ानै के ताँई नओ होतो रैहबै है।

ओ लोगौ अपनी अपनी बईयरौं सै पियार करौ और उनके संग सक्‍त बरताब ना करौ।

ओ बालकौ, अपने अईया-अब्बा की सिगरी बातौं कै माने करौ, कैसेकै परभु इनई बातौं सै खुस होवै है।

ओ बईयरौं, जैसो परभु मै तुमरे ताँई सई है, बैसेई तुम अपने अपने लोग की बातौं कै मानिओ।