Popular Bible Verses from रोमी 3

Share

काहेकी सबए पाप करिहएं और परमेश्वरके घेनसे मिलन बारो महिमाके नाए पाइ हएं। पर परमेश्वर अपनो अनुग्रहसे हमके येशू ख्रीष्टके द्वारा हमर पापनको दण्डसे छुटकारा करत हए, हम कुछ करे बिना परमेश्वर हमके धार्मि घोषित करी हए।

अइसियए परमेश्वर, येशू ख्रीष्टमे बिश्वास करन बारे सबएके धर्मी ठहिरात हए। काहेकी सब आदमी एक समान हएं।

परमेश्वर, ख्रीष्ट येशूके हमर ताहीं पाप क्षमाको बलिदान स्वरुप दइके ख्रीष्टको खुन हमर ताहीं बहाओ गओ हए कहिके बिश्वास करन बारे आदमीनको पाप मिटाए दइ हए। परमेश्वर पापको सजाय ख्रीष्टमे दइके अपनएके न्यायी दिखाइ। परमेश्वर ख्रीष्ट आनसे पहिले अपनो गुस्सा थामके आदमीके पापको सजाय नाए दइ। परमेश्वर अब जा युगमे अपनो न्याय दिखनके ताहीं आदमीनको पाप हटाएके उनके धर्मी ठहिरात हए। अइसियए येशूमे बिश्वास करन बारे सबके परमेश्वर धर्मी ठहिरात हए। काहेकी परमेश्वर अपनए धर्मी हए।

जहेमारे नियम कानुनके पालन करन बारे कोइ फिर परमेश्वरके अग्गु धर्मी नाए ठहिरैगो काहेकी नियम कानुन त आदमीनको करोभओ पापके चिन्हाए देतहए।

जइसे कि पबित्र-शास्त्र कहात हए, “परमेश्वरको नजरमे कोइ फिर धार्मि नाए हए, एकौ नाए। अच्छो बात बुझन बारो नेहात्तओ कोइ नैयाँ; कोइ फिर परमेश्वरके जानन नाए चाँहत हए। बे परमेश्वरके इन्कार करी हएं, सबके-सब बाके ताहीं काम नाए लगन बारे हुइगए हएं; भलाइ काम करन बारे कोइ नैयाँ, एकौ नाए हएं।

जहेमारे हम जानत हएं, कि हम येशू ख्रीष्टमे सिर्फ बिश्वासएसे परमेश्वरके सँग धर्मी ठहिरत हएं, जा नाएकी मोशाको नियम कानुनके पालन करनके कारण।

नाए! बिरकुल नाए! बल्कि परमेश्वर सदा सच्चो मस्कत हए और हर एक आदमी झुठा ठहिरे, जैसे पबित्र-शास्त्र परमेश्वरके बारेमे कहात हए, “तुमर बोलो भओ बातमे ठिक हए कहिके आदमी देखंगे, और फैसला होन बेला तुमरुए जीत होबैगो।”