Popular Bible Verses from 1 यूहन्ना 5

Share

और परमेश्वरमे हमर पुरा भरोसा हए, कि बाको इच्छा अनुसार प्राथनामे जो मागत हएं बा हमर सुनत हए।

और जब हम जानत हएं, कि जो कुछ हम परमेश्वरसे मागत हएं बा हमर प्राथना सुनत हए, हम जा फिर जानत हएं, कि बासे प्राथनामे मागो भओ बात हम पातहएं।

परमेश्वरसे प्रेम करनको अर्थ जहेहए, कि बाकी आज्ञाके पालन करनो। और बाकी आज्ञाके पालन करनके मुस्किल नाए हए। काहेकी जोकोइ फिर परमेश्वरके सन्तान हएं, बे संसारमे बिजय पातहएं। बो बिजय, जो संसारके हरात हए, बो हमर बिश्वास हए।

जो कोइको फिर लौंणाके सँग ढिँगैको सम्बन्ध हए, बोके ठिन कभी फिर नाश नाए होन बारो जीबन हए। और जौननको परमेश्वरको लौंणाके सँग ढिँगैको सम्बन्ध नाए हए, बोके ठिन कभी फिर नाश नाए होन बारो जीबन फिर नाए हए।

मए जा चिट्ठी तुमके लिखरहो हओं जो परमेश्वरको लौंणाके नाउँमे बिश्वास करत हओ, ताकी तुम जानपाबओ, कि तुमर ठिन कभी फिर नाश नाए होन बारो जीबन हए।

हम जानत हएं, कि जोकोइ परमेश्वरको सन्तान हए, बो पाप नाए करत हए, काहेकी परमेश्वरको लौंणा येशू बोके सुरक्षित रक्खत हए: और बोके शैतान नाए छुन पातहए।