Popular Bible Verses from KIEBEXELU 11

Share

Yi mwangele a sambwali akakuma mpungi ; yi mu diulu mwakadi meyi akola, akatôya ene, Bufumu bwa loboko budiko, bwa Fumwecu yi Kalistu anci, yi yei unakala yi bufumu bwanci ku mieciya ya mieciya.

Mabila akadi yi bisusu, yi bisusu biebe biamalwa, yi kikondo kia bafu kusambolebwa, yi kikondo kia kusayila basadi bebe sayi badi badimuxi ; yi bena babala, yi bobo bacina dina diebe yi babende yi banene ; yi kikondo kia kuxipa bantu bamaxipa loboko.

Yi nakupa batobôdi bamene ngulu, yi banatôbôla ntôbô lokone lwa matuku yi matuku nkama ibidi yi masangi asambomo, balete makutu.

Yi kunyuma kwa matuku asatu yi dimo dituku pakacikaci, mwoxixi ă moya ăkababwela kudi Ncembi, yi bakakwemana ku makasa abo ; yi bowa bungi bwakakwata bantu bakadi mu kubatebela.

Baba badi yi bumanya bwa kuncibika diulu, bitaxeloka mbula ku matuku a kidimuxilu kiabo ; yi badi yi bumanya kulu kwa mai ndo kwakulumuna ku maxi, yi bwa kukuma loboko yi masama moso dituku dioso dianangabo.

Baba badi mici ibidi ya olife yi minda ibidi yamakwemana ku mpala a Fumu a loboko ; yi ndo muntu mwoso amakyeba kubencela bubi, mudilu ndo ămabatuka ku misuku yabo yi ămapisa bantu bamatanda yinabo. Yi ndo muntu mwoso amakyeba kubencela bubi, uxexipibwa mo nako.