Popular Bible Verses from KIEBEXELU 12

Share

Yi bobo bamamupidila bwalo bwa maxi a Mwana a mukwakwa yi bwalo bwa diyi dia ntôbô yakatôbôlabo, yi bakadi kabasonanga môyo ăbo, isanga pôi ku lufu.

Yi nakakwombwa diyi dikola mu diulu diakatôya ene, Nkyekyu kwamalwa kipandilu, yi ngulu, yi bufumu bwa Ncembi ecu, yi bumanya bwa Kalistu anci ; bwalo bwamatenyekyebwa musanyanani a bena kwecu akabasanya ku mpala a Ncembi ecu ku munyinya yi ku butuku.

Yi cici munene akatenyekyebwa, Nyoka you a kalikali, you amabikidibwa ene, Diabolo, yi ene, Satana, you amadimba loboko luncimancima ; akatenyekyebwa pôi ku loboko, yi bangele banci bakatenyekyebwa yinanci ndongo.

Mbwôso nuxekyeleli, nonu, melu kulu, yi nonu bakala momu. Mpeya ku loboko yi ku mai manene, bwalo bwamapweka diabolo kunudi, udi yi bisusu bingi, amalubukwa ene, udi yi mo kakondo kabende.

Yi mu diulu mwakadi mbita ; Mikayele yi bangele banci badi mu kutanda yi cici. Yi cici akatanda yi bangele banci kabidi 

Yi cici akakwombwela mwamukaxi bisusu, akaya kuya tanda yi banga bana banci mbita, bamanama milangu ya Ncembi, yi badi yi ntôbô ya Yisu.

YI kilayixilu kinene kiakamonebwa mu diulu ; mwamukaxi ulete yi diba, yi ngondo muxi mwa makasa anci ; yi kulu kwa mucwe ănci kilongo kia mitoto disangi yi ibidi. Yi bwalo bwakadiyi yi mwana, akakwamena, udi yi loenu, yi kusama kwa kulela mwana.

Yi akalela mwana a babalumi, uxebumba mabila moso yi kita kia kidimadima ; yi yi mwananci akakwacibwa kulu kudi Ncembi yi ku lukwasa lwanci. Yi mwamukaxi akacina ku mbata a kisobe, kwapwakalayi yi kidi kiamalungikibwa kudi Ncembi bixemunamabo koku lokone lwa matuku yi matuku nkama ibidi yi matuku masangi asambomo.

Yi kinga kilayixilu kiakamonebwa mu diulu ; yi mona, cici munene a mumbidi ă maxi, udi yi micwe sambwali yi xiba disangi, yi kulu kwa micwe yenci kwakadi bilongo sambwali. Mwexi ănci ăkaputa puta kicini kimokimwe kia bicini bisatu bia mitoto ya diulu, ăkayela paxi. Yi cici akakwemana ku mpala a mwamukaxi akadi mu kulela, ndo kudya mwana paxelelayi.

Yi bipambwi bibidi bia mpungu munene biakapebwa mwamukaxi, bixepumbukayi kuya ku mbata a kisobe, ku kidi kienci, kwamanamibwayi kikondo, yi bikondo, yi kimo kikondo pakacikaci, kulekule yi Nyoka. Yi Nyoka akakwela mai ku musuku ănci kunyuma kwa mwamukaxi, Iuna ncedi, bixencudibwayi ku ncedi. Mo loboko Iwakatandila mwamukaxi, yi loboko Iwakadipula musuku ălu, lwakamina ncedi akakwela cici ku musuku ănci.