Popular Bible Verses from Roma 6

Share

Tombah ingkan dosa iyohco ito sobulih matoi topisah ingkan Mohotara. Tapi Mohotara porahan kopio-Eh ma ito. Are mihi kobolum sumong kotahi nyan sorga indan to awi ito hokohico ponah Yesus Kristus, Tuhan to.

Dosa aroko monguasa ikan bat. Tului, ikan aroh bolum nyambo kuasan Hukum Torat, tapi ikan bolum nyambo kuasan kopion atoi Mohotara.

Ponah baptisan cioh, ito matoi hintang tongolowong umba Kristus ina to mahi ngohaba kobolum co baa, samah isan Mohotara Tama umpi Kristus bolum hopuli ingkan pompatoi tului kuasai-Eh co tohormat.

Aroh nyarah arop me ma dosa hintang dosa hapo kawan anggota betim me jarin alat ika umpi aang co jahat. Kobolum me co tomuun yoh ocop matoi. Makitu, ikan ihin bolum baa. Jadi, nyarah arop me ma Mohotara paluh moholu Are hapo kawan anggota betim me jarin alat ika umpi aang co bujur.

Ito monau bahawa cara bolum to co nomuun ocop matoi somporengueh tongompatoi nyan sompolaki umba Kristus. Iyoh tojadi ina kuasan dosa ponah arop to hegah topotiho. Ma sanioh, ito aroko bat sobulih tohocipon dosa.

Ikan sobulih noto arop me isan iyoh ka. Ikan ocop matoi tohimo dosa hintang ikan bolum ika ngonyorih Mohotara awi ikan hokohico ma Kristus Yesus.

Amun sanioh, ome co lian to mantun? Mainboh ito kuhan horoholuh umpi dosa ina Mohotara sasar poleha koboraoi-Eh ma ito? Tantu aroh! Dosa aroh bat bokuasa ma ito, jadi, moh boraoi ito horoholuh bolum umpi dosa.?

Ikan tantu monau otuh: amun ikan nyarah arop me ma ico dulun hintang nuhit are, borati ikan iyohco cipon dulun cioh. Ikan boraoi jarin cipon dosa paluh akibat eh ikan angar matoi topisah ingkan Mohotara. Tokalik eh ikan ka hegah jarin cipon Mohotara co nuhit Are. Paluh akibat eh ikan angar umpi aang co buah.

Mula batuh ikan iyohco cipon dosa. Tapi, bosukurboh ma Mohotara, awi makitu ikan tuu-tuu ocop nuhit ajaran co buah co ocop tomorapot indam me. Ikan ocop tomolampas hintang bokon cipon dosa bat. Ikan ocop jarin cipon Mohotara co umpi aang co bujur.