Popular Bible Verses from Roma 5

Share

Tapi, Mohotara porahan eh bahawa Are masi ito ma cara cotuh: Nyan kotika ito incah bodosa, Kristus matoi indan to.

Amun ito boharap ma-Eh isan iyoh, ito aroko angar piji kocewa, awi ito ocop nongkomo asin Mohotara. Roh Mohotara boh co porahan asin Mohotara yoh ma ito, iyohonon Roh Mohotara leh co ihi-Eh indan to.

Aroh iyoh bewe! Ito mahi jorih jerah nyan waktu ito nohimo pondoritaan. Awi, koraon to bahawa pondoritaan yoh umpi ito sasar tabah ponah pondoritaan. Amun ito tabah, maka ito manang kotika toningkoh; awi ito tabah nohimo tingkoh maka ito lian boharap Mohotara angar umpi ito tohormat.

Makitu, ito ocop jarin bujur tului ito porocaya ma Yesus. Maka, ito ocop bodamai ma Mohotara. Iyoh tojadi awi aranaang co tongompian Tuhan Yesus Kristus indan to. Awi ito porocaya ma Yesus, maka ito mahi hegah nongkomo koboraoi Mohotara co horoholuh toporahan eh ma ito. Iyohboh koadaan hubungan to ma Mohotara makitu. Tapi ito mahi jorih jerah tului ito yakin moharap bahawa daai ito angar tomihi kobolum co tohormat halo Mohotara.

Ito aroko mampu jarin bujur ma kokuatan to tarop. Tapi pas nyan waktu co tonantu Mohotara, Kristus matoi ika nangung hukuman dosan to. Are nguan iyoh oluco hiah waktu iyoh ito aroko porocaya ma Mohotara.

Makitu ito ocop hokompio ma Mohotara molalui pompatoi Yesus Kristus; awi iyoh mositi ito angar tonyolamat ka ingkan angit Mohotara tului Kristus.

Tului, ico beti aroko nuhit porentah Mohotara, maka uras dulun bodosa. Sanioh ka, tului ico beti nontumun kojere Mohotara, maka kokon dulun tomampun hintang jarin bujur nyan tohimo Mohotara.

Aroko baya iyoh bewe! Ito mahi jorih jerah awi kopion Mohotara, iyohonon makitu ito jarin bodamai hopuli ma Are tului alogawin Yesus Kristus, Tuhan to.