Popular Bible Verses from Roma 4

Share

Are tenden porocaya hintang aroko ragu-ragu ma janjin Mohotara. Malah, are sasar borohon porocaya hintang nara Mohotara. Are korinah porocaya bahawa Mohotara bokuasa nguan ome co ocop tomonjaji-Eh.

Nain co tonulih ponah Surat Borasih: “Akuh ocop umpi iko jarin taman orong bangsa.” Mohotara mantun iyoh ma Abraham, hintang Abraham porocaya ma-Eh. Iyohonon Mohotara bokuasa umpi dulun matoi jarin bolum hopuli hintang molalui antun-Eh leh, Mohotara umpi ome co arelu oko jarin oko.

Mohotara nyarah Yesus ina Are matoi nyan sompolaki ika nahur hukuman dosan to. Mohotara umpi Yesus bolum hopuli ina to lian jarin bujur nyan tohimo-Eh.

Hiah waktu iyoh, deon ponoto Abraham arelu oko horapan bat ika ngohaba koturunan. Tapi, Abraham tenden yakin porocaya ma Mohotara bahawa are angar jarin taman orong bangsa. Are porocaya antun Mohotara santuh maeh: “Daai iko angar empun orong lau koturunan!”

Jadi, janji Mohotara yoh bodasar ma koporocayaan dulun cioh ma Mohotara. Iyoh jarin ico jaminan ma kokon koturunan Abraham bahawa janji cioh sobagai ico pihi co cuma-cuma ingkan Mohotara: Aroko baya ma iroh co tuhit ma Hukum Torat, tapi ma iroh co porocaya ma Mohotara samah isan Abraham porocaya. Awi Abraham iyohco taman to kokon dulun co porocaya.

“Ihin aang co pio hinut boh dulun co kawan kosolaaieh tomohapus. Ihin aang co pio hinut boh dulun co kawan dosai tomampun. Ihin aang co pio hinut dulun co aroko tomangap sala bat pian Tuhan.”

Awi, ponah Surat Borasih tonulih santuh: “Abraham porocaya ma Mohotara. Iyohboh tuluieh Abraham lian jarin bujur nyan tohimo Mohotara.”