Popular Bible Verses from Kirjeine galatalaižile 6

Share

Meile ei pida väzuda tehtes hüväd. Ku em jätkoi radod kesketi, ka ičeze aigan sam villäd.

I ku meil om völ aigad, ka meile pidab tehta hüväd kaikile, no enamba kaiked nenile, keda uskond om ühtenzoitnu meihe.

Kantkat toine toižen kormad, ka tö eläškandet Hristosan käskišton mödhe.

Algat manitagoi iče ičtatoi! Jumal ei anda nagrda ičtaze. Midä mez՚ semendab, sidä hän rahnob-ki.

Ken semendab semnid ičeze grähkhižen taban pöudho, ka hän rahnob surman. A ken semendab semnid Hengen pöudho, hän rahnob igähižen elon.

Velled, ku tabadat keda-ni grähkäd tehmas, ka teile, keda Heng vedäb, pidab laskvas käta händast oiktale tele. No kacu ičtaiž, miše sinä-ki ed putuiži manitushe.

Ku ken-ni meletab ičeze polhe ülemba, a iče ei maksa nimidä, ka hän manitase. Kackaha kaikutte hüvin ičeze radod. Sid՚ hän voib ülendeldas iče ičesaze, rindatamata ičtaze toižihe. Ved՚ kaikuččele pidab kantta ičeze korm.