Popular Bible Verses from Kirjeine galatalaižile 5

Share

Heng kazvatab meiš armastust, ihastust, kožmust, tirpandad, hüvämeližut, hüvüt, uskondad, laskvut da ičeze käziš pidändad. Käskišt ei ole sidä vasthapäi.

Minä sanun: elägat kut Heng käskeb, ka siloi tö et tegeškakoi, midä teiden grähkhine taba tahtoib.

Ku mö eläm Hengel, ka antkam Hengele meid vedäda-ki.

Nene, ked oma Hristosan, oma nagloičenuded ristha ičeze grähkhižen taban sen himoidenke da tahtoidenke.

Grähkhižen taban radod oma sil՚mnägubal. Ned oma: vedeluzelo, paganrad, kebn elo, tühjile jumaloile kumardelend, noiduz, viha, ridad, mužikan i akan toižehe sidond, käregzoituz, ridlend, erimeližuz՚, [manitused] i gruppihe jagand, kadehuz՚, rikond, humaloičend, ülimäraine praznuičend i äi mugošt. Sanun nügüd՚, kut olen sanunu edel-ki: ken tegeb mugošt, ka hän ei sa jäl՚gestust Jumalan valdkundaspäi.

Teid, velled, kuctihe elämaha valdal. No algat valdan nimel pästkoi valdale ičetoi grähkhišt tabad.

Grähkhine taba tahtoib tošt mi Heng, a Heng tošt mi grähkhine taba. Ned oma toine tošt vasthapäi, i sikš tö et voigoi tehta sidä, midä tahtoižit.

Kaik käskišt om sid՚ ühtes käskös: «Armasta ičeiž lähembašt, kut ičtaiž.»

Meile ei pida ecta ičelemoi korktad sijad, ärdutada toine tošt da kadehtida toine toižele.

Hristos pästi meid valdale, i nügüd՚ mö olem valdal. Ka olgat vahvad, algat antkoi udes sidoda ičtatoi orjan čapihe.