Popular Bible Verses from Toine kirjeine korinfalaižile 5

Share

Kaikutte, ken om Hristosas, om tehtud udes. Vanh om kadonu, uz՚ om tulnu sen sijale.

Grähkid tedmatoman Hristosan Jumal tegi grähkžertvaks meiden täht, miše mö hänes tegižimoiš oiktoikš Jumalan edes.

Ved՚ mö eläm uskondal, a ei sil, midä nägem.

Kaik om tulnu Jumalaspäi, kudamb Iisusan Hristosan kal՚t om tehnu kožmusen meidenke i käsknu meile kožutoitta rahvast ičezenke. Jumal iče tegi Hristosan kal՚t kožmusen mirunke i ei väritand rahvast heiden grähkiš, a meile hän käski kantta kožmuzvestin.

Sikš mö olem Hristosan oigetud, i meiden kal՚t Jumal pagižeb teidenke. Pakičem Hristosan nimes: kožugatoiš Jumalanke.

A Hristos om kolnu kaikiden tagut, miše ned, ked eläba, ei eläiži enamba ičeze täht, a hänen täht, ken om kolnu i eläbzoittud heiden tagut. Sikš mö nügüd՚ em märičeškakoi nikeda mehiden märil. Hot՚ edel märičim Hristosad mugomil märil, ka nügüd՚ necidä em tehkoi.

Ved՚ Hristosan armastuz ižandoičeb meid, i mö meletam: ku üks՚ om kolnu kaikiden tagut, ka kaik oma kolnuded.