Popular Bible Verses from Toine kirjeine korinfalaižile 4

Share

Mö em kackoi sihe, mi om sil՚mnägubal, a kacum nägumatomaha, sikš ku se, mi nägub, om lühüdaigaine, a nägumatoi om igähine.

I sikš mö em kadotagoi rohktust. Hot՚ hibjal mö vanhtum, no südäimespäi mö udištamoiš päiväspäi päivhä. Meiden ahtištused oma lühüdaigaižed da kebnad, a toba meile igähižen korktan arvon, kudamb om agjatomašti sur՚.

Meid kaikjal ahtištadas, no ei voigoi ajada čurha; meile om lujas jüged, no mö em langekoi opalaha; meid kükstas, no meid ei tacind Jumal; meid polgetadas maha, no mö em olgoi surmitud.

Nece bohatuz՚ om meiš kut saviastijas, miše näguiži: se ülimäraine vägi om tulnu Jumalaspäi, a ei meišpäi.

Se om peitos neniš uskmatomišpäi, kudambiden meled nügüdläižen mirun jumal om sogenzoitnu, miše hö ei nägiži sidä lämoid, kudamb lähteb Hristosan hüvän vestin korktas arvospäi, Hristosan, kudamb om nägumatoman Jumalan kuva.

Jumal, kudamb sanui: «Loštkaha lämoi pimedas», loštaškanzi meiden südäimiš, miše opeta meid tundmaha Jumalan korktan arvon hoštotest, kudamb nägub Iisusan Hristosan modos.