Popular Bible Verses from Toine kirjeine korinfalaižile 6

Share

Algat antkoi val՚l՚astada ičtatoi ühtes uskmatomidenke. Midä tehta ühtes oiktale da värale? Midä ühthišt om pimedal da päivänvauktal?

Mitte kožmuz voib olda Jumalan pühäkodin da tühjiden jumaloiden keskes? Ved՚ tö olet eläban Jumalan kodi, kut Jumal om sanunu: – Minä sijadamoi rahvahan keskhe, minä eläškanden heidenke. Minä tegemoi heiden Jumalaks, a hö – minun rahvahaks.

Sikš: – Lähtkat heidennopäi, erigakat heišpäi – sanub Ižand – algat koskkoi nimidä paganad, sid՚ minä otan teid ičeinnoks. Minä linnen teiden Tatan, a tö – minun poigin da tütrin. Ninga sanub Ižand, Kaikenvaldaine.

Voiba-k Hristosal da Veliaral olda ühtejiččed meled? Mi ühtenzoitab uskojad da uskmatont?