Popular Bible Verses from Joannan ezmäine kirjeine 5

Share

I mö voim rohktas läheneda Jumalaha uskten, miše hän kuleb meid, ku pakičem hänen tahton mödhe.

I ku tedam, miše hän kuleb meid kaikes, midä hänel pakičem, ka tedam mugažo, miše meil om jo se, midä olem hänel pakičenuded.

A armastuz Jumalaha om siš, miše mö eläm hänen käsköiden mödhe, i hänen käsköd ei olgoi jügedad. Ved՚ kaikutte, ken om sündnu Jumalaspäi, vägestab mirun. A se vägestuz om meiden uskond, se om-ki vägestanu mirun.

Kenel om [Jumalan] Poig, sil om elo. Kenel ei ole Jumalan Poigad, sil ei ole elod.

Necen kaiken minä olen kirjutanu teile, Jumalan Poigan nimehe uskojile, miše tedaižit: Jumalan Poigha uskten teil om igähine elo.

Mö tedam, miše ni üks՚ Jumalaspäi sündnu ei tege grähkid. No hän, kudamb sündui Jumalaspäi, varjoičeb kaikuttušt, ka soton ei tartu heihe.