Popular Bible Verses from Joannan ezmäine kirjeine 4

Share

Armastuses ei ole varaidust, täuz՚ armastuz kükseb varaidusen. Varaiduz iče-ki om jo mok, i ken varaidab, hänes armastuz völ ei ole tehnus täudeks.

Tö, lapsuded, olet Jumalaspäi, i tö olet vägestanuded nenid kelhid sanankandajid, sikš ku se, ken om teiš, om suremb sidä, ken om mirus.

Mö armastam, sikš miše ezmäi Jumal om armastanu meid.

Minun armhad, armastagam toine tošt, ved՚ armastuz om Jumalaspäi. Kaikutte, ken armastab, om Jumalaspäi sündnu i tundeb Jumalan.

Ken ei armasta, se ei tunde Jumalad, sikš ku Jumal om armastuz.

Armastuz ei ole siš, miše mö olem armastanuded Jumalad, a siš, miše Jumal om armastanu meid da oigendanu ičeze Poigan žertvmaksmižeks meiden grähkiš.

Minun armhad! Ku Jumal om muga armastanu meid, pidab meile-ki armastada toine tošt.

Ved՚ siš Jumalan armastuz ozutihe-ki meile, ku hän oigenzi ičeze üksjaižen Poigan mirhu, miše mö hänen kal՚t saižim elon.

Ku ken-ni sanub: «Minä armastan Jumalad», a iče kandab vihad uskondvelliden päle, ka hän om kelastai. Ved՚ ken ei armasta velled, kudamban hän om nähnu, ka hän ei voi armastada Jumalad, kudambad ei ole nähnu.

Ken sanub Iisusad Jumalan Poigaks, hänes Jumal püžub, i hän iče püžub Jumalas.

Necen käskön mö olem sanuded hänespäi: ken armastab Jumalad, armastagha hän uskondvelled-ki.

Minun armhad, algat uskkoi kaikile hengile, kackat hüvin, oma-k ned Jumalaspäi. Ved՚ mirhu om tulnu äi tühjid sanankandajid. Jumalan Hengen [i segoidushe vedäjan hengen] tö tundištat muga: kaik henged, kudambad sanuba Iisusan Hristosan meheks, lihaspäi da verespäi tulnudeks, oma Jumalaspäi.

Kaikutte heng, kudamb ei sanu Iisusad Hristosad lihaspäi da verespäi tulnudeks, ei ole Jumalaspäi. Mugoine heng om antihristan heng, kudamb, kut tö kulit, om tulmas da jo om-ki mirus.